2008 日本東北 【松島 住宿】- 一個字~ 正!

路線圖 

香港

仙台 

松島

石卷

山形市

寒河江

銀山溫泉

最上峽

藏王  

山寺

仙台

香港

Day 3： 松島 住宿 2008.01.22 

完成幾個景點，約五點就去到酒店check-in。小松好風亭，位於「高地」。酒店有兩個地方泊車，一係正正門口(得幾個位)，或者「山腳」的一個大點的停車場。不過後者要拉行李上斜路，都幾斜的。好彩我地去到的時候，門口剛好有一個位。

Check-in的姐姐英文不錯，填表的時候問我地可唔可以留地址，原來係想寄封多謝信答謝顧客。   房租是包一節45分鐘的貸切風呂，check-in時book埋。有兩個貸切風呂，一個大啲靚啲連浴室的「離れ湯庵」，可惜已經full booking

。另一個「朝日見の湯」望落都唔差，不過無浴室。兩間都有景睇，選晚間時段的就賞月，日頭就賞景。見reception棟個牌話17:33月出，明早06：49日出。好似睇日出正啲喎，早就早啦，揀了06：00 - 06：45的一節。

送我地上房的姐姐雖然英文唔得，不過都好落力，問完我地幾點食晚飯和明天早餐，見我地想飲sake都盡力介紹不同口味的。安定好之後，就去飲welcome drink。其實係享餐廳內有咖啡，茶，橙汁，思樂冰咁既自斟飲料。歎咗杯咖啡後，享lobby巡咗一陣，就返上房等19:30食晚飯。

未夠鐘已經set定檯，開始一盤二盤拎入來，啲菜式有凍又有熱，食到亂晒龍兼食唔切。天婦羅明明暖的，因為掛住食其他嘢搞到凍晒。又掛住玩煎豚肉，搞到魚生個盤(一舊冰)溶晒。真係唔識歎和式料理。眾多碟頭當中，最鍾意個焗蠔和甜品。

食完差不多九點，睇房內的酒店資料書先知，除咗大浴場和貸切風呂，仲有露天足湯。於是，坐一陣後的節目就係去曬住月光浸足湯。當晚咁啱係初十五，月圓之夜，啱晒。
間房都望到月亮，仲搭棵鬼異綠色的松樹。

個足湯十點關閉，夜夜地兼好凍，得我地兩個浸。可惜水的溫度比想像低，個身鬼咁凍，不太過癮。所以浸了一陣就回巢。一直以為哩個旅程好多空閒時間，可以好早睡，但結果都搞到成十二點先睡。第二朝仲要早起呀嘛~

第二朝05:15，居然起到身，不過天黑黑，睇唔睇到日出架？沖身執架撐，06:05落樓去reception拎鎖匙，入到裡面，細細地的更衣室，有廁所。玻璃倘門拉開，行幾步就跳到落去。左邊一忽位可以企享到浸。浸下浸下，慢慢開始天光啦，真係好爽

浸完返去房，天繼續光，可以望到幾個島和福浦橋。影完一輪，換下衫，夠鐘食早餐。早餐享餐廳食。

餐檯有住客的姓名(幾無私隱)，對號入座。然後又一人一盤，幾碟嘢咁。除了主菜，其他都係自助的，可以出去refill。但，老實講，小蟲真係唔慣食飯做早餐，所以見自助範圍有餐包，即刻立兩個食，加杯咖啡。舒服晒~~~

食完上房執嘢, check out完9:15am。送我地出去的服務員，鞠晒躬睇住我地架車走。
哩間酒店各方面都好好，設施新淨，廁板有暖管。房景一流，幾乎落地的玻璃窗，夠長夠大。唯一要彈係浴室個shower水流比較慢，不過都無損對哩間酒店的整體印象。

無車的話，可以搭穿梭巴士，同埋見到酒店自己有小巴的。

【邊間】小松好風亭【環境 / 地點】      1/2
【房間 / 服務】     1/2
【食物】    
【幾錢】31500円 (一泊兩食，晚餐部屋內，連一節貸切風呂) + 725円清酒【幾大】和室八疊
【邊到book】Jalan.net【小蟲rating】      1/2
【Jalan.net rating】     1/2 (評語連結)

更多照片