2012廣州日半食食買買：瞓七仔

賴天氣，賴心情，賴三賴四，總之就是忽然不想寫blog，於是便休息了一周。
（有睇小蟲FB page的話，就知唔寫blog可以忙啲咩）
好了，現在總算有點點心機，就講多少少廣州，順便完成這趟短trip，繼而開新trip。



2012廣州日半食食買買

 2012.07.07  - 2012.07.08





話說短短哋兩日一夜，都要揾個地方瞓㗎。反正都係瞓一晚，地方乾淨即可，唔洗靚最緊要平！內地有不少連鎖式的客棧，價錢相宜，口碑都還可以。其中一間叫七天的全國連鎖式「酒店」，大把分店比人揀。旺區可能會貴啲，以我哋揀嘅享火車東站過一個地鐵站的燕塘，都ok方便。



單係這個地鐵站附近，就已經有兩間七天。本來當然越近越好，但神推鬼push，訂錯咗遠啲的一間，大概行六七分鐘左右。唔係遠，但大熱天時買到一抽二冷就稱唔上享受囉。








對於哩種廉價住宿都無乜期望，lobby簡單都算企理，
有日用品賣（因為房內無乜用品提供，見下）。
服務員的態度出奇地好。

Read More

2012廣州日半食食買買：一德

如果之前單出相片，又或者話係喺Log-on到買，大家可能唔會估十幾廿蚊嘅嘅價錢吧。 Anyway，大家好叻，估得都好接近。



2012廣州日半食食買買

 2012.07.07  - 2012.07.08


當日我哋逛嘅，係一個叫一德國際玩具文具精品市場的商場。初初見個門口殘殘舊舊咁，都無乜期望。覺得都係無嘢好買，而且間間舖頭都係賣差不多款式的貨品（好似香港啲格仔舖咁）。不過入到去行咗一陣，就覺得都ok喎。 大概有三四層，地方唔細。全部都係細細間嘅舖頭，樓面嘅格局有啲似電腦場咁款。



賣嘅一如商場個名所言，有玩具：玩嘅有，figure扭蛋有，細到手指甲咁嘅一set膠公仔都有；文具：相對比較少，都係筆呀，筆袋嗰啲；精品：鎖匙扣，小擺設，袋仔等等。仲有啲歸唔到類，例如電筒電芯，party服飾，保溫杯咁。

Read More

2012廣州日半食食買買：The Price is Right

騎騎～寫完長遊記，繼續之前的廣州行，比啲嘢大家玩吓先。唔知大家有沒有聽過或看過外國的電視遊戲節目The Price is Right，簡單嚟講，參賽者要估一件或一堆貨品嘅價錢。進級估得中的話就有巨獎，簡單易玩。
2012廣州日半食食買買

 2012.07.07  - 2012.07.08


本來去廣州，只打算食吓嘢，行吓睇吓舊建築。但天氣太熱好難在室外行得耐，所以就去咗行商場。又本來覺得返大陸無乜好買，唔係質素差的平貨，就係貴嘅唔想買，加上重嘅又唔想托，應該都無乜好買。不過，我哋去咗個頗殘舊的商場，居然買到嘢喎～
先唔講享邊到買，今篇比些少貨物比大家估吓價錢。 不過，sorry，估中都係無獎吖。玩吓咪幾開心～ （1）紅色的皮面鋼底的卡片盒。 （2）桃紅色的皮面鎖匙包 （3）紫色的絨布大筆袋 （4）超bling bling即買即用全殼閃石的iphone套 全部睇得出手工唔錯，所以我哋先買。 下篇開估，兼介紹邊到買。

Read More

2012廣州日半食食買買：未～～～食盡廣州

話說去完福建的第二日，蟲老公便出發去廣州工作幾天。絕對是遊到慶起的小蟲，連廣州也不放過。見未去過廣州（港燦一個），便邀約蟲大姐和蟲三姐，連同蟲老公在工作之後的周末留在廣州食玩行！


2012廣州日半食食買買

 2012.07.07  - 2012.07.08
本應星期六晨早上去善用時間，不過碰巧我們三姊妹早上各有事辦，那便改為下午出發。去到廣州會合蟲老公，其實已經五點，時間不多。連同周日的大半日，我們竭盡所能去吃吃吃！！


銀記腸粉店  x 2 翻兜指數： http://www.gz-yinji.com/
無錯！x2即是幫襯過兩次。好明顯是非同小可的好味食店，唔，其實可以有其他原因（見下下下餐廳）。第一次是頭一天剛到埗當下午茶，第二次食過番尋味再來。自助形式食店，先購買食物，取過號碼牌等侍應送食物過來。望著餐牌各式其色的腸粉，真的難以選擇。


雖然牛肉腸是招牌貨，但貪心的我們揀了鴛鴦腸（牛和豬肉），再加個特別的茶樹菇腸。三個人點兩碟，份量剛剛好。除非打算當正餐吃，要不一個人一碟其實有點多。第二次翻兜之時，再來牛肉腸和冬菇齋腸，這次因為飲完茶過來，所以四個人兩碟，份量亦剛好。
最出色當真是招牌的牛腸，牛香不韌，配腸粉一流；茶樹菇始終跟腸粉的合拍度不高。腸粉的質地，有點像薄薄的河粉，滑漏卻不潺。即叫即製，內裡還夾片菜。



雖然有其他食品，但大部份食客也是主打腸粉。飲品方面要了霞光，有點像麥精，兩蚊人仔都幾抵。腸粉兩大條一碟，亦只是五至九蚊不等。


環境稱不上好舒服，還可以啦。大熱天時有空調已經還得神落。


蓮香樓 翻兜指數：
老店蓮香樓，我們沒有用餐，只是買了一堆手信。 雖然香港都有，但款式沒有這裡多和包裝精美。

禮盒裝的餅盒，絕對是馬莎餅盒的中式版，立體美觀。

各款酥餅餡餅有多種口味，連豬油膏都有，總有一款啱口味。 就連麵包都有。 傳統的唐餅怎少得？除了手信，還買了個叉燒酥和蓮蓉酥。所謂叉燒酥是沒有叉燒的，實是五仁餡。蓮蓉始終是這家店的強項，又香又滑。 價錢亦只是幾蚊一個。香港地，最平也少十幾蚊一個吧。





  陶陶居 翻兜指數： 
純粹慕名而來，蟲老公和同事來過一次，說還可以的。 古色古香的建築，看來翻新過，但門外還是掛著陶淵明題的對聯。

星期日早上十一時來飲茶，當然第一件事就是。。。等位啦。我們還算是第一批等位的（即是再早一點的話就不用等），等了約大半小時，到附近逛逛，時間也不太難過。


舊式營運，食客拿著點心卡到不同counter取點心。有蒸品、煎品和煮品counter；自己拿著托盤通處走（走得食物也涼掉。。。） 其間小蟲拍攝蒸品的範圍時被點心亞姐喝止，說老闆不容許拍照，要拍便回自己位拍喎。事後小蟲當然懶理此等無原因的要求。


食物非常一般，不難吃卻也沒有特別之處。既不屬懷舊點心，現代化得來又不見得好吃。亦因為這樣，我們之後走去翻兜腸粉。



  佳叔湯圓王  x 2  翻兜指數： 
無錯，這間亦有翻兜，但翻兜的原因只是「比多次機會」而已。頭一次去剛好吃完晚餐，11:30的店舖看來準備打佯，不過店主死話未收，叫我們坐下。 吃得飽飽的我們，只要了兩碗試味。 

綠豆沙湯圓和另一款沒記名的，小蟲的綠豆沙湯圓還算不錯。綠豆沙有點淡口，湯圓的皮煙韌不黏牙，只是小蟲不喜歡那種不冷不熱的溫度。而另一個湯圓，則吃剩一半。價錢牌寫的是熱吃價錢，冷吃加一蚊。整體印象不算深。


之於到第二天，大熱天時逛街行得想死，見口乾便再試試另一間分店。本來應再試湯圓，但飲完茶食完腸粉實在再吃不下，所以點些消暑食物。 綠豆冰和炸雪糕，大家也沒投訴。


小蟲的凍紅豆雙皮奶，紅豆結實，雙皮奶ok香滑。 這店吃過兩次，感覺也是一般。 後者還要不斷重覆播放「賣湯圓」的歌曲，真係人都癲。。。



  蜀味濃魚莊  翻兜指數：   越秀區陵園西路13號3樓
唯一的晚餐，必然是大家的至愛：麻辣！ 前來這裡是誤打誤撞的。蟲老公說之前來過附近見有頗多辣店，但我們來到卻發現只有小店兩間（哼！）。在周邊行來行去找吃，老遠見有廣告牌，看來有點規模，便跟著前去試試。
總括來說辣得出色，辣子田雞真的只有內地做得出色。田雞夠肥美，烹調得入味。 不辣的糖醋里脊就暗然失色了。




表少茶餐廳  翻兜指數：   天河區天河路351號廣東對外經貿大厦2樓
行兩步就吃幾餐，無辦法，天氣太熱不宜走動。來到附近需要上電，就吃個港式下午茶。 餐廳地方頗大，但裝作舊式的座位只有一小部份。

已過下午茶餐時間，只得散叫。 吃港式餐價錢當然不能說抵，但可喜是質素不錯，甚至比香港街頭街尾的雜麥茶記好得多。 小休之後再上路。



雜食 
胃，雖然是可以撐大的。但一下子，真的吃不到那麼多。不過～ 人多好辦事。買少少，都可以大家分點兒一嚐。當中有咸煎餅，一般兩三蚊一個。不過不好吃，油膩和韌韌的。失敗！

鹽焗和別種調味佐酒食品，小蟲沒有吃，同行者買了數十元回酒店邊啤邊吮腳指，說味道不錯喎。






時間實在太太太短了，實在是＊未＊食盡廣州；原想參觀的嶺南建築也無法安排在在這次行程內，所以，如無意外會待天氣涼點時再來一遍。

Read More