2010 Sweet New York (Day 2 Part II) ♣ 五顏六色

Sweet East 之旅 ♣ Index

【Day 2】 2010.11.23 (星期二) 

在cafe一坐又坐到六點，未想食飯就選擇繼續逛。出發去NYC之前，一直想試下室外溜冰，所以做過功課知道邊樹有。最近Grand Central的，睇怕是在Library旁邊的Bryan Park。冬季的Bryant Park除了有冰場，還有一間間小屋，賣不同的物品，節日的氣氛很濃。

在冰場外企咗一陣，小蟲最終無溜，因為火柴人唔肯玩！其實一個人玩都唔係唔得嘅，不過一個「自轉」一個坐喺到等，戇居咗少少囉。而且室外都凍，齋坐都唔稱得上享受。所以觀摩完之後，又繼續逛。

睇吓地圖，決定去Times Square。沿路，越接近Times Square就越熱鬧，人多車多，燈光更多。五顏六色，閃的定的，播片的都有。老實說，香港雖然出名五光十色，但論格調，Times Square/NYC還是高幾皮。

這趟到Times Square逛，一來是無聊，二來當作是探路。事關打定主意一定會來看Broadway show，所以前來八八。沿路有不少廣告牌，主sell大型的show。另外也有小劇團，靠派街招吸客。我們哩挺「淺度遊」旅客，梗係睇啲大show啦，邊行邊看最近期的劇目，可以諗定之後去睇。小蟲也有些睇show貼士可以講講，容後開另一篇說。

終於來到每年蘋果倒數的位置。在電視睇得多，現在置身其中，就算無得倒數（其實從來都唔倒數！），感受一下也好。

最無聊莫過於那裡的一個大屏幕，拍攝路人然後real-time播返出嚟。我哋見有人駐足「頭惡惡」，便「惡」埋一份。

周邊有很多店舖，行行企企，逛得最開心的，係M&M shop, 樓高幾層放得落個摩天輪（真係坐得人架！）的Toys R' Us,和Hershey shop。不過就兩手空空走，因為可以臨走嗰幾日先買，唔洗托住周圍去。

九點幾鐘來到開餐的時候。Times Square的食肆當然唔少，但人一樣多，加上時候不早，有些就算有得食都唔慌可以坐得耐，所以唔易搵。最後在橫街搵到Brooklyn Diner，一心都係諗住有餐食就算，點知喜出望外。

餐廳外觀很美國：

小蟲的Macaroni & Cheese和火柴人的Cheeseburger deluxe，cheese味滋味。汽水和OJ，埋單連貼士USD58。

食完飯（意粉！），十點幾唔太夜就慢慢行返酒店。路過Macy對出馬路封了，又有音樂就走去八吓。原來彩排緊星期四的Thanksgiving parade。

今日成日都無搭過車。（所以小蟲覺得間酒店位置都唔錯）

(1) Cafe

(2) Bryant Park

(3) Times Square / Broadway

(4) Hotel

Sweet East 之旅 ♣ Index