唔好話無提你啊～ You've been reminded!

巡例講吓廢話先。其實upgrade咗之後，好唔想出新post。一嚟個介面好難用，啲內容format改極都唔啱心水；二嚟出新post，啲朋友都唔知知唔知，好似無乜人嚟探小蟲咁。不過為免荒廢此地，或者出疏啲，出啲無咁多圖多花臣的文章吧。希望Yahoo慢慢改善，過一兩個月會好啲啦。與之同時，小蟲的起心肝去咗blogspot起第二頭住家。當online backup好，當試下新野亦好（其實真係好用好多，不過當然亦有唔好嘅），將比較近期的文章放一份過去。之後等閒再分享下經驗吧。

好！入正題。不曉得有幾多blog友像小蟲一樣，返工等放工，放工等放假的大食懶。總之，小蟲近幾年，每年過了一半之後，便會開始研究一下明年的假期。如果各下還未睇，小蟲可以提提你，明年四月的假期非常優惠！由四月二號至十三號的十個工作天，只需要請七日假，就可以駁到連續16日假喇～ 早排享facebook提了一眾親朋好友，無理由唔提吓blog友嘅。要攞假就趁手啦。話說有兩個同事經小蟲一提後，過兩日就submit咗假啦。趁未有咁多人知，就快啲計劃定攞假啦。再遲啲越嚟越多人知，分分鐘比其他同事搶咗個靚靚放假檔期啦。小蟲都申請咗啦，就算唔知去邊都霸咗個檔期先。

其他2012年的假期，就自己詳細睇下啦。