六月初的雅典，完全是夏天的感覺。
烈日當空行神典，真係人都癲。。。
2011希臘初夏 ♣ Index
Day 10: 2011.06.09 (Thu)雖然這次旅行的日數唔算多，但都係早機去晚機返，所以時間都見洗。
最後一天在希臘的行程，當然要行吓全希臘最多人去的景點：Acropolis雅典衛城。
由酒店步行去Acropolis，慢慢行大概十五分鐘。一張入場券，包去好幾個景點。有啲享同一個範圍，有啲遠啲。就算同樣享Acropolis範圍的，都會收幾次飛，所以張飛唔好周圍塞啦。
是日相當熱，開始無耐小蟲已經擔遮，行幾步見有樹蔭就去喱吓。
不過一邊上山，有樹的地方就越少。
入場後沿路已經有好多遺跡，不同大小的競技場，各有故事。
但不學無術的小蟲，無乜太大興趣逐個介紹牌慢慢睇，而且仲鬼咁曬，真係走夾唔唞。
當然，亦都有印象比較深刻的地標，其中Odeon of Herodes Atticus就是一個。
一來是因為看來頗為完整，二來是個即至現代也有用作表演音樂的場地。
後面個山，就係第一日去完嘅Philopappos Hill。
繼續捱上山，可以看到遠景。
襯托在藍天底下，建築更顯宏偉。
捱到山頂，離遠已經看得見全場主角Parthenon巴特農神典。
除咗山腳有啲樹木之外，一路係乾蒸。去到山頂都未開始參觀，小蟲頭頂的太陽遮忽然「噗」一聲，抬頭望望好似冇野，以為被野打中（例如石仔或雀A）。不過行多兩步，把遮開始下垂，再撐都撐唔返開。原來，kick住把遮個舊膠熱到爆咗。
AAAArrrrggghhhh.....最關鍵的時候把遮先走嚟爛。
雖然有帽，但大熱天時笠住個頭都幾唔舒服，所以鍾意擔遮多啲。不過無得揀啦。。。
又雖然有搽太陽油，但當然唔曬好啲啦。所以享個袋到，求其巢咗頁紙出嚟遮，遮得幾多得幾多啦。哈哈，好明顯係無執袋，張紙前幾日Santorini的地圖嚟。
基本上個神典似地盤多啲，真係望吓影吓相，到此一遊。
唔知跳乜鬼，純粹無聊。
唔係太多出場的旅行豬亦到此一遊。
山頂神典的周邊，可以眺望雅典市的景觀。真係識揀位置起神典。
好似入場費都有包的Temple of Olympian Zeus。
今日時間唔夠，唔會去睇。但之前享下面路過，係咁咦望過吓咁啦。
成個景點不斷進行復修，啲石塊分門別類，寫哂label攤出嚟。
除咗巴特農，另一座頗為完整的叫Erechtheion；有幾磚女人型的大石柱。
雖然好曬，但都行咗兩個鐘。去返地面望上去。。。
然後就走啦。。。不過途中享哩個行人專區行行吓，忽然聽到有電單車高速駛過，再撞埋一個路人到。嘩～咩事？！
初初以為撞到人，但跟住發覺被撞跌的人居然快速爬起身逃走！
原來。。。係捉小販！！
架電單車兩人一組，睇準目標出奇不而剎埋去，一架負責揸車，另一個襯個小販跌低再落車捉。不過哩次比個小販走甩咗，佢哋只好充公財物（紙遮幾把）。咁大陣仗捉小販，真係嚇得我哋一陣陣。
有個路人見我哋睇到目定口呆，就話：無事嘅，成日都係咁架啦。
好啦。今日剩下的時間，主打行街市，睇吓有無特別啲嘅手信買。
一般肉食當然有，其中見到一款認唔出係乜，個職員明知我哋無幫襯都拎一隻出嚟（全隻保鮮紙包實的）比我哋睇，仲話係rabbit嚟。點知正當我地定神望之際，佢突然放手隻兔仔享下跌，我哋比佢嚇一嚇。但佢跟手就接返，仲笑到卡卡聲。知道比佢整蠱一野，啤咗佢一眼之後，我哋都哈哈大笑。
兔仔之外，仲有一款我哋覺得好似恐龍。大家可以估吓係乜嚟。
肉類和海鮮外，最多的是香料。我哋都買咗唔少～
另外無花果乾都好抵，€3一大包，有益又好味。
跟住食個Gyros，享附近邊逛邊行返酒店攞行李出機場。
Monastiraki：
賣一楷楷的椰子
基本上Syntagma Square長期掛滿橫額，長期有集會（多數旁晚）。每逢有集會，旁邊就有幾架裝甲車和武警。
執返件行李諗住搭地鐵出機場，不過去到先知嗰條線是日罷工。
唔洗問，結果梗係搭的士啦。
個司機仲鬼咁多野講，如果去程遇著佢，可能多好多地方去，事關佢介紹咗好多local野比我哋聽。
最搞笑係講政治講選舉，我哋話哩個政府做得唔好搞唔掂啲經濟，咪下次選過個囉。點知佢話，都係一樣，因為只不過係swap the thieves，都係貪嚟貪去。swap the thieves哩個形容，真係一絕。
型仔司機以飛速但安全將我哋送到機場。可以搭到佢嘅的士，都算係旅程末段一個幾好的完結。小蟲諗，若然香港嘅的士司機大部份都咁型又talk得，小蟲都好樂意搭多啲。。。
（預告：愛馬仕酒店）
2011希臘初夏 ♣ Index
0 comments:
Post a Comment
到此一遊，留個字啊～