先來衣物吧，有部份是替別人買的。
註：跟之前一樣，賣家資料在最下方。
衛衣＃1
簡簡單單一流，實物緊圖片一樣，價錢亦很吸引。連運費，一件HKD90左右。
衛衣＃2
相對貴少少，其實都係一百蚊鬆啲。上面Section比較T-shirt，這些比較衛衣厚身少少。
冷衫裙
小蟲出名是冷衫人，冬天的大褸多年都嚟嚟去去都係嗰幾件，但冷衫一櫃都係。不過大部份係淨色，無乜花款，只係唔同色、厚薄不同嘅分別。返工去街，打件底再加件冷衫，襯褲襯裙都得。平時最喜歡幫襯Uniqlo，今次豬媽屐都嚟一件試下品質。在顏色多多的情況下，揀咗粉藍色。質地手功都唔錯，價錢唔係貴，但稱唔上平。
為了令運費更加抵，小蟲會在一個賣家多選一兩件貨品，就加件方便配搭的淨色嘢。薄薄的長袖連身裙，單穿、加背心、加外套都得。質地一般，不過平平哋就無乜所謂。
翻兜護膚品
哩個絕對係補倉行動。話說上次買雪花秀，掛住買埋晒啲周邊嘢，唔記得買爽膚水和cream。所以今次買埋，同加碼眼霜。另外，幫人家買了Etude House嘅足膜和面膜，不過當時無特價，價錢一般。買完之後，宜家又有返買五送五啦，真係有買就快手！
貼紙雜貨
睇咗咁多似曾相識嘅貨品後，最後有啲新鮮少少嘅，就係買貼紙！小蟲還年輕嘅時候，很喜歡儲貼紙，更有本貼紙簿專收藏貼紙，一直唔捨得用，得個儲字。年紀大咗，就更唔想買埋啲無謂嘢。不過近期比咗個好好嘅借口去買，就係。。。會用！
事關今期小蟲想玩手帳，係手寫嗰隻，無論是日常或去旅行都會寫。而貼紙和彩色膠帶，就是手帳的絕配。享豬媽屐買，當然買韓國品牌的。
Masking Tape真係好靚，幾乎想每款都買，但最後忍手只買兩盒(woody & runa)，共四款pattern。
另外韓式貼紙兩包，一包有四張，另一包有六張。用嚟表達吓感覺就啱晒。
其實哩啲雜貨唔一定享豬度買，Log-on都有，價錢都係貴少少。香港拍賣網都有，價錢仲平。之於淘寶點會無吖～ 價錢簡直係嚇人咁平，之於品質係點？小蟲遲啲匯報一下。因為一邊廂gmarket，另一邊廂蟲老公在淘寶買了一大堆東東，其中小蟲為了比較貼紙品質亦淘了少少（哈哈，其實只是想買啫）。
其實無blog咁耐，本想寫遊記的，但氣力比寫雜記多用一倍，所以還是繼續偷懶。之於facebook因為方便，更新得比較快。有興趣的，請移玉步到面書探小蟲。
賣家資料
衛衣＃1（翻兜指數：
）Just One衛衣＃2（翻兜指數：
）Tienty冷衫裙（翻兜指數：
）T-Tree貼紙雜貨（翻兜指數：
）Jolly-Bee翻兜護膚品 (Etude house)（翻兜指數：
） 에뛰드하우스★직영샵翻兜護膚品 (雪花秀)（翻兜指數：
） 경운기탄풍경
0 comments:
Post a Comment
到此一遊，留個字啊～