2012阿根廷：Day 15 El Calafate《牧場樂 @ La Usina》

2012 April  匯率: 1 ARS = ~1.7 HKD

DAY 15 - 2012.04.19 (Thu)


Argentina 【 Buenos Aires ＞ Puerto Iguazú ＞ Mendoza ＞ Ushuaia ＞ El Calafate ＞ Buenos Aires 】＞ Peru


來到阿根廷部份的尾聲，還有兩天便過境到秘魯。在El Calafate有大半天，旁晚飛回Buenos Aires，時間上有點尷尬。因為有興趣的活動（例如去看另一個冰川），都是全天的，要旁晚時份才回到市中心，趕不上飛機。Downtown亦沒有甚麼可以消耗半天，在酒店的章程找到唯一有啲啲興趣的半天活動：就是去Estancia （西班牙文）/ Ranch （英文） / 牧場 （中文，唔係咁都要講吓嘛）。不過其實打死都無諗過會去牧場。。。（差實同農場有咩分別？）

去牧場有咩睇？做乜㗎呢？價錢包括：酒店接送、牧場內主活動一款、副活動、烤羊午餐，隨便參觀其他地方。主活動有四款：騎馬、河邊垂釣、爬山單車、Polaris四驅車仔。副活動就有射箭、香草園、耕種、唔記得。。。

La Usina距離El Calafate鎮40多公里，所以來回搭車一個半鐘，剩下兩個半至三小時玩和食。不幸的是，一大早去到，落雨，所有地方都濕笠笠，實在不宜戶外活動。最衰租的裝備，昨晚去完冰川已經還掉。不過，雖然下雨，但環境確實不錯。翠綠的草地，高壯的大樹，精緻的木屋，位於淙淙河水旁，若然放晴肯定漂亮得多。

在附近逛了一陣，就開始主活動。懶人之選，當然就是四驅車仔啦，其他三樣活動都要自己控制。四驅車有人駕駛，又可以四處觀景。壞處就是，寒風撲面，真係凍到震。司機大佬的英語亦不行，盡晒力也未能講解出甚麼。先去遼闊平原，看山看植物看自由的動物。回程去看馬兒，有心的話是可以選騎馬的。只是笨手笨腳，為餘下來的行程著想，還是坐車好了。

幸好天氣轉晴，環境顏色頓時變得豐富。雖然地面還是濕漉漉，但總算看得著美景。轉個眼又是食晏時候，回到餐廳生火取暖等食。午餐已包括在團費內，齋一味烤羊，更可以添食。其間看見有當地人運來物資，看來時周末時有結婚派對。這個天然環境，用來作小型溫馨的婚宴確實一流，廿卅個賓客剛好。如果香港有的話，想當年小蟲都可能揀來舉行自己的婚禮。

吃飽走動一回，繼續玩貓和射箭，便起程回El Calafate，完結半天的牧場行。回到downtown，大部份店舖於下午時份休息。由街頭行到街尾，單程只是廿分鐘。吃個雪糕，便施施然回酒店取回行李去機場，飛回首都。離開郊外地區回到大城市，亦意味着阿根廷的行程快將完結。時間過得真快！

地點	La Usina
價錢	每人ARS 290。包酒店接送、牧場活動、午餐

在車上。天氣麻麻，不過就係麻麻先見到彩虹。好大條。

你好，我係布殊，係你哋今日嘅導遊。哩架小巴，載咗五六個傻仔去牧場。

去到又雨又霧，泥地濕漉漉。杉天古樹和木屋，絕配。

屋旁的河川，如果選釣魚的話，相信係享哩樹釣。可能啱啱落完雨，河水喘急。

好天的話可以攤吓又得，行吓香草園亦得。

不過某人的活動係，大部份時間享樹玩貓。
很黐人的貓貓，每逢我哋舉起拳頭，佢就會埋嚟頂頭鎚！萬試萬靈，超搞笑！

又或者射箭亦得。但，點解唔放低個背囊先呢？
說時快那時慢，架四驅車仔突然出現咗。

雖然唔洗用腳行，但啲風係咁打埋嚟，真係凍到抽筋。

去到廣闊的平原，司機嘗試介紹，不過失敗，真係聽唔明。
地方太過天然，到處是屎，有大有細，咩形狀都有。

如果春天嚟，應該多啲花花，無咁dry。

彩虹雪山，唔，可以係一款甜品名。

讓開呀！！！！ 衝緊落去馬房。

繼續超天然，大大話話有十匹八匹馬。
遇上同團的朋友，佢哋選擇騎馬，著定窄褲長boot，型！

回到木屋餐廳，cosy～

地方細細，約莫坐到四五十人呱。仲有其他貓貓。

烤羊用鐵板上，keep住熱。唔夠食可以添食，但好鬼熱氣。包生菜都搞唔掂。

人家簡潔的結婚蛋糕。

臨走先嚟好天，不過總算見得著。當堂靚晒～

返到El Calafate的Downtown，無乜特別，但都出吓相啦。