2012阿根廷：El Calafate, Buenos Aires 住宿篇 《新開發區 vs 平價無花巧》

2012 April  匯率: 1 ARS = ~1.7 HKD

Hosteria Hainen @ El Calafate

www.booking.com/hotel/ar/hosteria-hainen.en.html

又一間臨到步才訂的住宿，評價好價錢合理。不過到步後才發現，距離downtown都有小段步程（約7-10分鐘吧）。而且位處的地段，看來像新開發區，馬路地面凹凸不平，晚上的街燈亦不多，僅僅夠睇到路。好處是地方大，附近有好幾間類似的hostel走的路線差不多，偶然見到其他旅客出入，不之於孤苦伶仃。若然懶得行去downtown吃飯，附近倒有兩間餐廳，不愁無得食。而且join tour去玩的話，都有酒店接送服務，問題不大。鎮上的治安應該幾好，酒店大門出入都無鎖。

住宿走的的木屋仔路線，佈置幾warm，Reception的沙發和書櫃大家可以隨便享用。基本上建築物成一個正方形donut，圍著走一圈是房間，最後回到reception；有戶外中庭坐坐曬太陽。房間設備正常，有電視(CNN)有暖爐和雪櫃，頗為舒服。只是浴室比較細，和房門鎖匙不太fit，嘗試多次才能打開。

最讚的是reception的服務員，非常幫手，提供的資訊實用和詳盡；落更後會寫低要點給下一更的職員跟進。房租因為兌換率有出入，也沒有斤斤計較收足，省掉零頭。我們光顧住宿的的士服務兩次：一次去冰川，一次出機場。雖然司機大佬英文麻麻，但準時和態度誠懇。所以這店的服務評分爆燈！早餐自助形式，普通得來都不錯。有toaster，有水果咁。

門面都有些少含蓄。個招牌用深藍色，幾乎睇唔到。

唔少人鍾意的木屋，小蟲都好鍾意。

浴室就細咗少少。間房有個微型露台，不過大冬天時唔會出去。

中庭，暖嘅時候出去坐吓應該都幾舒服。
新開發的地區，路面唔太好行。蟲老公背後嘅係另一間hostel，style差不多。

但求有麵包和咖啡做早餐，所以去到邊度都無乜特別失望。
Lobby幾好坐。

San Carlos Hotel @ Buenos Aires

www.booking.com/hotel/ar/san-carlos.en-gb.html

返去首都住一晚就走，所以都係以便宜為主。本來可以住返Tango & Bandoneon，但又想試試其他地方，就揾間平得來評價好的。San Carlos離城中心的主要遊客區有些少距離，步行一定唔得。不過按老闆介紹，附近的巴士線都夠應付，而且行兩個幾block就有地鐵站。我哋痞一晚，出入都係的士算數。治安呀，城市始終差啲。見對街的窗都上了保安攔，入夜亦會落閘；大門出入到鎖。不過夜晚我哋享附近揾食，雖然有啲閒雜人，但唔似做世界，都過得去嘅。

入黑來check-in，冷面職員英文唔得，亦唔太幫忙。不過早上接更的老闆就好得多，非常詳盡介紹資料，乘車指南和安全提示。早餐好企理，一份份準備好先拎出嚟。有鮮橙汁（真係新鮮㗎），麵包烤完都仲鬆軟。房間好闊落，雖然似宿舍多過酒店，但乾淨舒服。有洗頭水供應唔算出奇，有埋護髮素就真係少啲，但佢都有。

無招牌的酒店，連的士大佬都揾唔到個門口。

簡單實用，過一晚啱晒。
如果留多幾日，還是推介Tango & Bandaneon多啲。

細細的早餐室，有電視。我哋瞓到last minute先嚟食早餐，所以無其他客爭位。

Reception同間房一樣咁平實。

最後，搬blog最大的好處係，加table方便好多。以前Yahoo整個table整到火滾。宜家輕輕鬆鬆想點玩就點玩，直接加又得，embed個google doc又得～得咗！ 其實，我哋嘅住宿真係住得好慳家。