15 November 2013

論廉價機票

俗語有云:賤物鬥窮人。來到年尾,間間航空公司劈價做promo兜售機票。沒有平,只有更平。加上廉航突然一街也是,以前去新加坡來回好歹也要$2000,一下子跌到八九百都有。就連傳統航空公司,都可以$1200-$1300有交易。飛歐洲,曾幾何時七八九千叫正常,中東航空公司減價做到五千來(抱歉,俄航、強國航都不在正常參考之列)。最誇張的便宜,當然走不出近期的限時售賣,如fanfare的$50機票,Zuji x BA的$3800連稅飛歐洲。

正當大家上網或攤開報紙見到相關廣告嘩嘩聲、覺得好抵好抵、好想買好想買之時,其實小蟲又不覺得異常吸引。無可否認,價錢上是有一定的吸引力。但買不買機票,去旅行與否,有很多因素(還是只是個人太多嘢諗呢~)。這種速銷活動,不外乎有幾個特性。數量有限、購買期有限、出發期有限。雖然越便宜,限制就越多,但因為便宜就越多人搶。


先說限制。有限制最正常不過,一般是出發時間較差,旅遊日期特定等等。問題就是,買這種機票,是大家遷就航空公司,而不是按自己的旅遊意願而去。有人正打算某時間出發,又碰巧有超平機票,又買得到的,恐怕少之有少。大部份都是因為便宜,來個突發之旅。如果有無限假期或碰巧要銷假(小蟲比較大洗,從來都無要銷假的問題),當然就無問題啦。但對小蟲來講,假期絕對要謹慎安排和使用,盡量希望用在心底舖排好的travel wishlist上。而絕大部份廉價機票的目的地也非目標,因為便宜所以額外去個旅行,舉例歐洲最少也得請三五天,一定會影響之後的旅遊安排,代價甚高。況且有興趣的廉價機票目的地,多是重遊居多。新地方的話,更不希望匆匆遊覽,為廉而去。又要花假期又要花錢,又不是最希望去的地方,倒不如不去。踢得郁小蟲去買的廉價機票,一是真正便宜,二是無需太多假期,三是有興趣去逛逛的。單是便宜並不足夠(我知我知,你會話:咁多要求,送比你好唔好?!但查實送,都未必一定去。)

當然,平嘢就實多人搶。大把人紛紛欲試訂購,磨拳擦掌帶點點賭徒「必贏」心態。小蟲反覺買到是好彩,買不到才是正常。見買不到票的失望群眾在社交網鬧爆主辦單位,又話登入不行,又質疑有無票賣。最搞笑是有人連航班時間都鬧,大佬,覺得時間不佳便不買吧,鬧啥呢?買平嘢,價錢便宜但附帶其他代價,是常識吧。。。


32 comments:

  1. 我都覺得呢D咁多限制嘅機票完全無晒自由性...

    ReplyDelete
  2. 通常航班時間好差,咁來回時間都晒左。

    ReplyDelete
    Replies
    1. 都係㗎,不過有啲人有的是時間,無的是錢。:D

      Delete
  3. 呢d平野到我請得假嚟已經比人搶晒...........

    ReplyDelete
  4. 買既時候要有心理準備可能請唔到假而forfeit...

    ReplyDelete
    Replies
    1. 如果真係好平又短短哋三四日,搭個weekend再射吓波,都可以搏吓嘅(但唔值得鼓勵,哈)

      Delete
  5. 你踩过好多地方...
    我的下一个地方是Bali...因为是年尾假期所以机票贵了点 = =

    ReplyDelete
    Replies
    1. 度假輕鬆吓,玩得開心啲吖~ 我好少去陽光與海灘。 hehehe...

      Delete
  6. Sometimes, the cheap flight may 'create' your desire of travelling. However, I note that cheap flights are really so cheap now after including so many add-on costs. Zero fare is very rare now.

    ReplyDelete
    Replies
    1. 咁各取所需啦,有啲人可以唔寄行李唔食餐,的確可以慳唔少。

      Delete
  7. 我從來唔理呢啲平野……
    其實計返落出發同回程時間,基本上唔係慳得想像中咁多。

    ReplyDelete
    Replies
    1. 平嘢就總要有啲犧牲嘅。如果地點啱,我都會理吓嘅,話唔定真係咁啱fit到㗎嘛。

      Delete
  8. 其實去旅行最大嘅成本係時間!

    雖然我做自由業唔使請假,但都無attempt過買呢d限時特賣飛,一黎我無心機同大家比賽登入網站,二黎我最鍾意係「蘊釀旅行心情期」,太近嘅出發時間令我無得enjoy呢個感覺,又無時候做research。不過,如果真係堅平,地方又近(例如台灣),偶然一次享受「話飛就飛」嘅豪情又幾唔錯嘅~

    ReplyDelete
    Replies
    1. 我都係咁諗,輕輕鬆鬆唔洗plan嗰啲地點,真係堅平去吓都唔錯。

      Delete
  9. Zuji x BA的$3800連稅飛歐洲又真係好抵喎, 不過要就各旅行腳返公司請假, 唔容易!

    ReplyDelete
    Replies
    1. 嗰次Zuji promo,每人只可以買一張,所以一係一個人去,唔係就要大家一齊撲飛,真係十級難度。

      Delete
  10. 如可以早啲訂到行程,買有early bird discount 啲機票咪仲好!

    ReplyDelete
  11. 我都覺得好難買到平的機票, 通常就算去程能買到, 但回程又無合適的日子的!

    ReplyDelete
  12. 我都同意, 有些送都未必會去

    ReplyDelete
  13. 買不到才是正常 >> 非常同意,最頂唔順啲人買唔到就閙,想買心水時間地點etc,咪用正常價錢囉。

    ReplyDelete
  14. 為什麼俄航、強國航都不在正常參考之列? 係迷因為經常都做緊大平賣?
    我近呢幾次有兩次都係搭俄航、強國航,真係好鬼平架~

    ReplyDelete
    Replies
    1. 因為佢本身已經平,所以幅度嚟講唔夠吸引。同埋印象問題,自己唔太鍾意 hehe :P

      Delete
  15. 呢D野唔使太認真看待嘅.............都PLAN好晒就當睇唔到啦........

    ReplyDelete
    Replies
    1. 如果真係認真有個trip想去,就唔會等平嘢啦,早早搞點安心啲。

      Delete
  16. 時間差係好大問題, 去時白住多晚酒店,走時天矇光又走,條數咪又响番度。

    ReplyDelete

到此一遊,留個字啊~

Related Posts Plugin for WordPress, Blogger...