Day 1 2008.01.20 (日)
香港天氣：
仙台天氣:
2: 40pm的港龍直航機飛仙台，前一晚做了online check-in，今天兩個鐘頭前去到櫃位，見到打晒蛇餅，嚇一跳。問一問，原來在邊皮位置有一個online check-in counter，只有三兩個人check-in，小蟲同火柴人話咁快就攪掂。不過地勤小姐笑容欠奉。。。
無 乜野做，就入閘食下野。2:15pm前登機，我們2:17pm去到閘口，發現要搭巴士接駁。上到巴士，陸續有其他乘客，等左10分鐘先開車。仲要一開車， 其中一個乘客叫住車上的地勤小姐((指住個閘口))：「呀小姐，佢地嗌你窩~」 然後有兩個人追出黎，地勤小姐想叫司機停車，不過司機隔住玻璃聽唔到，結果個兩個人就係咁被人賴低左。
到落巴士，火柴人想snapshot一野，即時被個位賴低兩個客的地勤阻止。
四 個幾鐘的機程，機上幾乎係零娛樂。無電視，連吊係天花的大眾電視都無。無耳筒，連歌都無得聽。只有幾本雜誌，唯有睡和食。飛機餐有幾好(或難)食，大家都 清楚，連相都懶得出。不過，始終覺得港龍的餐比國泰的好。而整程機，唯一令小蟲雀躍少少，全靠這個Haagen-Dazs雪糕。
7: 40pm準時泊埋仙台機場的閘口，機場都幾細，無乜人。過Immigration都係得幾個人，連打指模影相拎行李去到2號出口，都係用左25分鐘。頭兩 晚的住宿，在広瀬通的江陽格蘭酒店，可以選擇機場巴士或鐵路。我們選了前者，因為正正酒店門口有個站，唔洗轉車/步行之餘，仲可以考察一下路面。
巴士站在機場2號門口對出，到站落車先比錢，800円一位。留意唔係班班車都停広瀬通的。8:10pm開車，見有電視顯示下一站，又有日英韓廣播，坐定粒六等落車。點知。。。
広瀬通站之前係仙台站，所有搭客都落晒車。見再開車不久，而電視突然閃出広瀬通站的字樣，小蟲都即刻按鐘，不過電視一秒後就轉左晚翠草堂前站的字樣。再望下窗出面，見酒店已經向後飄。唔係呀嘛~~~~ 咁快過左站？
哎呀! 唯有死死地氣下個站落啦。小蟲離開機場時無享行李拎件羽絨出來，落到車凍到騰騰震，由唔想通街巢行李，死頂行快兩步好過。其實個兩個站都有點距離，小蟲就係咁兩件衫，享得一兩度都唔知有無的氣溫底下行左十分鐘。諗住巴士近近地唔洗轉車唔洗行，結果真係偷雞唔到蝕渣米。
去到酒店check-in，服務員替小蟲取行李到房，火柴人的大背包就自己黎。一路享電梯討論一個完全無諗過會遇到的問題：要比小費嗎？好似應該比，但又無散紙，又唔知要比幾多。最後不了了知。其實要唔要比小費呢？公價幾多？實在太少住有service的住宿
放低行李，無idea想食乜，見已經9:30pm，就求其出去貢下搵下，認下地形都好。行下又睇下夾公仔店，到仙台車站附近都差不多10:15pm! 邊間未咁快收檔就幫襯邊間啦。見Hotel Metropolitan對面有幾間食店，在大廈的地庫。其中的拉麵都ok咁，就冒險殺落去哩個靜英英的地庫。(地圖 balloon A字就係啦)
入到去都有三兩個客，好彩~ 小蟲和火柴人一見榻榻米位，又唔好坐又要除鞋，立即坐bar檯。餐牌只有日文，大概係有幾款湯底，料子選擇都幾乎一樣。無辦法spot the difference，結果都係出門口手指指點菜。點完菜，火柴人見店內有個漫畫書櫃，其他客人在刨漫畫，無乜野做就巢埋一份，仲搵到d封面女仔著得衫少 少個種。果然照顧到不同類型的客人喔!!
等左一陣，火柴人的白拉麵，和小蟲的白ぶし拉麵就到。兩者有乜分別，真係講唔出，係個湯味有的的唔同。叉燒得一塊咁多，真係少左的。煎餃子無太特別之處。 雖然整體唔係特別出色，但就一定好食過香港99%的拉麵店。而且無特定收檔時間，賣完先收，夜夜地無野食絕對可以一選。埋單1550 円。
食完貢返上黎，行返酒店路過便利店入貨買飲品，見有特別味Mont Blanc的Haagen-Dazs(326円)，買左個返酒店試。內裡有一層栗子和兩層雪糕，正!! 連個盒都特別靚~
執完野安頓好睡覺，又成點鐘。晏機的行程，時間真係唔見洗。
0 comments:
Post a Comment
到此一遊，留個字啊～