Day 2 (Part 1) 2008.01.21 (一)
仙台天氣:
星期一，好多景點都唔開，所以打算今日去的地方都有限。懶洋洋成九點先起身，享用完酒店的早餐，結果11點幾先出發。
第一站，是在仙台北少少，被立入重要文化財產的東照宮。兩條懶蟲先搭地下鐵由広瀬通站去仙台站(200円), 再轉JR的仙山線到東照宮站(180円)。本來哩個景點，享旅遊書都一點都唔起眼，無打算去。不過小蟲同事推介，說是個拍照的好地方。
在車站附近都有些少去東照宮的指示，而且幾近，不難找的。去到，便是東照宮的參道，兩旁有幾十躉的石燈籠，每躉刻有不同字樣，但都已經看不清楚。
上完石級，路過隨身門(諗起隨意門
推介度：
回到車站等車，無聊偷影下其他人先。
咦？又係落車嗰月台？名乎其實的單線雙程行車喎。
回到仙台車站，未見肚餓，就繼續我們的行程 - 瑞鳳殿和仙台城跡。找到了觀光巴士，買單程票(250円)，還是日票好呢(600円)？雖然去兩個景點，加回程，日票都已經抵返晒。但小蟲見仙台城跡之後的路線兜得頗遠才回到広瀬通站/仙台站，或者仙台城跡附近有其他巴士線呢~
最終都係唔好煩喇，去巴士站旁邊的counter買了兩張日票，搭唔搭得晒都好啦。售票員比左兩份路線圖，但就揭開個圖，劃左好幾個站話唔停o窩。唔知係今日唔停，還是整個冬季都唔停。上到車，原來都幾細，坐位加埋只有十多個，無乜企位。如果旺季都會幾迫。
15分鐘後，就到左第一站的瑞鳳殿。一路行上山，去到售票亭(550円)。瑞鳳殿，是伊達政宗的靈墓，打仗時被毀後在1979年重建，所以看上去新束束，靚就幾靚，不過反而少了那種歷史感。這所殿附近，有間細細的資料館，內有發掘和重建的資料，和陪葬品的展覽。入去暖暖身，瞭解一下都唔錯，齋睇殿反而唔睇得好耐。除了主打的瑞鳳殿，沿途走的話，還有感仙殿和善応殿，感覺差不多。這個景點有不少是有英文解說的，約3點鬆閃人。
推介度：
咁橋唔洗等好耐就有巴士，搭多個站，3:30pm就到達仙台城跡。彈個地圖出嚟先，出入口8就是巴士的上落位，門口有個鳥居。
要睇景，當然要先行上山。不過好彩唔太遠，就去到一大笪空地。那裡有仙台的icon - 伊達政宗像，旁邊仲有一棵小蟲好鍾意嘅斜樹。行埋欄杆邊，就可以俯瞰晒成個仙台市。
當日天氣唔錯，視野良好。兩隻旅行豬都話要出下嚟影相。
空地除了拍照，仲有間好細的仙台城見聞館，講下座城用乜嘢石來建的，還有邊一忽係遺跡，真係唔講的話，路過了也毫不察覺!
行完空地，本來都想走。但路過見路牌說有其他地方，就兜入去看看。尤其是見到有個牌，話觀光巴士日票有優惠 (!!)
入返去行，先路過護國神社。和一般的神殿無甚分別。見有自助求簽機，小蟲就求左一張。呵呵呵，係大吉啊~不過係咪張張都大吉？! 走去睇下人掛享架上的簽文，真係乜吉凶運勢都有o架啵。哈哈哈，就係咁樣小蟲都開心咗好一陣
無聊完一輪，繼續行，見到有好幾間手信類商店，不過裡面一個遊客都無。
結果無去青葉城資料館，沿路行番去出入口8，見到個巴士站之際，小蟲靈光一閃
弊! 家下幾點鐘呀？望下錶，4:32pm。架巴士最後一班，4:00pm在仙台站開出。來到這裡應該係。。。又望下站頭個時間表，哎呀~ 4:22pm來到呀。我們足足遲左10分鐘。其實行呀行，係咁行，一點也沒有想過會行過龍，要趕車的。係見開始天黑先諗要走。。。
個巴士站對出就係上圖咁： 即係乜都無，亦無其他交通工具。睇返上面個地圖，個城周圍都係山，除非我地諗住行落山，如果唔係，都只有係搭的士。無計可施，就行返去店舖對出的的士站。咁，亦回答到小蟲之前的問題：邊個會享道搭的士？! 咪就係我地兩個亞水會搭囉。。。
上車同司機講「Sendai Eki」，都唔理得有幾遠，反正幾多錢都係要搭。最後用左15分鐘多少少，和1380 円，好安全舒適咁返到仙台站。不過咁樣錯過架巴士，真係低能咗少少。。。唔通簽文裡面的交通事故，就係哩單？
推介度：
0 comments:
Post a Comment
到此一遊，留個字啊～