2008 日本東北 【仙台 住宿】- 會唔會多咗少少呢？

路線圖 

香港

仙台 

松島

石卷

山形市

寒河江

銀山溫泉

最上峽

藏王  

山寺

仙台

香港

Day 1 & 2： 仙台 住宿 2008.01.20/21 

【環境 / 地點】  1/2
享江陽格蘭住咗兩晚。頭一晚一入去lobby，雖然幾大，但感覺好似好亂咁，但又講唔出有乜唔妥。到第二朝去食早餐，享lobby逗留耐少少，先發覺原來他們放置了大量石像，而石像之間有無乜聯系，搞到有啲亂。再數數頭一張相，一個角度裡面，見到的都已經有11座石像。身處其中，幾乎被石像包圍，會唔會多咗少少呢？

地點唔算超級方便，不過都唔錯。行去仙台站約8-10分鐘(拉住行李)，酒店正正對出有地鐵站(広瀬通駅)。
【房間 / 服務】    
算幾寬敞，有張檯仔食下嘢咁，無乜特別。有例牌雪櫃水煲風筒，獨立包裝的shampoo, condition, body gel, 剃鬚刀等個人用品亦有。
個中央暖氣，熱到成27度，侷到小蟲要借火柴人的短袖T-shirt著，仲要開埋房門透氣。隻窗又寫到明話唔好開，我地咪聽話囉。侷咗一晚，第二朝見隔離執房，都開晒窗咁，所以到第二晚頂唔順，都係開窗算。

哩件，係一件好普通的Adidas T-shirt。影住佢，係因為我地出門口的時候，火柴人求其一株嘢咁辟咗享張梳化到。去完街返到房，件衫同條褲，已經被接得好整齊咁放享到。。。執房幫人執埋衫，都好少有。。。

【食物】    
兩晚都包早餐，check-in時問我地想要和式還是美式早餐，小蟲諗都唔晒諗就要美式。和式，真係唔合胃口。頭一日早餐成十點先食，所以無乜人。

西式都有American / Continental 揀，我們各要了一款，雖然continental 的價錢平少少。
內容都好豐富架：

最後，上回的一碌。。。

係好大揪的鎖匙。每次出去，都要交還reception。哩個設計，真係唔怕跣手。

【邊間】江陽格蘭
【幾錢】跟package: HK$5107機票+2晚酒店包早餐【邊到book】縱橫遊【小蟲rating】    1/2
【Jalan.net rating】     (評語連結)

 

更多照片