2010 Sweet Orlando (Day 8) ♣ 又一日theme park ＠ Universal Studio ~ 劉小蟲 Bug's Travelography

Sweet East 之旅 ♣ Index

【Day 8】 2010.11.29 (星期一)

終於去到第八日，要一篇KO它。。。

繼Disney之後，最正常的選擇就是去Universal Studio（下簡稱U/S)。今朝去U/S的shuttle比較早，八點開車；所以為免出外搵食，留在酒店吃早餐穩陣一點。

今次的shuttle是巴士型，去到U/S需時約25分鐘（連兜其他站）。大清早，其實無乜人。落車後一路行行行行，先去到U/S Citywalk，聚集各種餐廳，娛樂場所，紀念品店等等。但時間尚早，還未營業。

滑浪用品店外，兩個傻人走去扮滑浪。。。

當早天氣麻麻，之前還下過雨。不過唔理啦，要落都會照玩。U/S分別有兩個theme park，（1）Universal Studios Florida和（2）Universal's Islands of Adventure。舊問題又來了，兩個公園我們只得一日，去哪兒好？看完場內地圖，（1）又想去，（2）就一定要去，因為有全球唯一的The Wizarding World of Harry Potter。雖然明知去兩個園，大部份的遊戲玩唔晒，但都交出USD238.56作為玩兩玩的代價。

既然Harry Potter一定要去，就立即先去Islands of Adventure那邊吧。未知是否天陰陰有影響，這個門口一點theme park的氣派也沒有，更令小蟲諗起番禺。。。

本來應該直踩入Harry Potter，但路過Marvel Super Hero Island見無乜人，趁機玩埋The amazing adventures of spider-man （8分）。完全不用排隊，但小蟲奉勸大家食完早餐未落隔就唔好玩住。遊戲不是驚嚇式刺激，但兩個人的坐位不斷左fing右fing，我們出來時有輕微反胃。

然後路過可愛的Toon Lagoon，停下影下相又玩咗一輪。開始好天啦～

被拉到飛起～～

中途在Jurassic Park行行企企，想玩個輕鬆看風景的Pteranodon Flyers，唔好意思，只招待56"以下的小朋友，56"以上的朋友要帶同一位孩童才能玩。附近找不到小童可借，就唯有唔玩。

然後，終於來到Harry Potter區，當時未到十點。

比起其他遊戲，這個Harry Potter and the Forbidden Journey當然多人得多。條隊彎彎曲曲，兜來兜去都未入到室內。入到室內原來只是存放背包手袋等（用指模的locker，好先進啊～），又再繼續排。

前後大概排了無一小時，都應該有45-50分鐘；其實，個遊戲五分鐘都唔知有無。除了卸下背包手袋，上車時還要除眼鏡，搞到大家鬼咁緊張。遊戲基本上是模仿坐著掃把，跟住harry potter和其他主角飛嚟飛去。都算幾好玩，但感覺有點單一（8分）。

這個區域，除了剛才的遊戲，還有兩款過山車。不過我們心血少年紀大，還是少玩為妙。區內有城鎮和火車站，都幾靚；兩邊是店舖，遊人大買特買。更有不少買了魔法黑色袍，大熱天時著住通公園走，有的更拿著貓頭鷹。

離開Harry Potter便到旁邊的The Lost Continent區。先玩Poseidon's Fury（8分），大家扮演古廟的參觀者，跟着領隊被困於古廟內。繼而時間啱啱好，去看12:30的The eighth voyage of Sindbad stunt show。Sindbad，公主和壞人的故事，實在少不了要有搞笑的成份（7分）。哩個台的佈景，再一次令小蟲諗起番禺

看看時間其實差不多要到另一邊公園，事關U/S比Disney早閉園，當日好像七時便收檔。臨走前玩埋The Cat in the Hat，小朋友的玩意（6分）。

離開以刺激機動遊戲為主的Islands of Adventure，路過Citywall便進入傳統的U/S。

沿着大街，用有限的時間篩選遊戲。先玩Shrek 4D，不過其實玩完之後覺得熟口熟面，先醒起之前在大阪玩過。

由於開始覺得機動遊戲悶悶地，口味一轉去睇／玩啲interactive的。先等Horror Makeup Show開場，場外有不少經典恐怖片的造型。這個節目會邀請一位觀眾（看來不是做媒的），用非常搞笑的方法披露一些hollywood恐怖片場面的製作方法。（9分）最精彩的部份唔出照片啦，免得令將會去的朋友知得太多，少了樂趣。