Xmas搞乜鬼 ＊ 整餅記

聖誕又差不多到啦，祝大家聖誕假期愉快！

早兩日得蟲老公的同事邀請，去其屋企。。。。整蛋糕！！屋主一向有整蛋糕的習慣，忽然搞活動，約了蟲老公和另一位舊同事K小姐去試整Xmas為題的焗品。蟲老公問小蟲可有興趣，見都好少會有機會去人家屋企整蛋糕，就請半日假跟去玩吓。

這天分了兩區，A區的我們負擔做樹頭蛋糕，B區的K小姐做薑餅人，而屋主負責監工。事前屋主和K小姐已經去買齊用品，我們去到之時已經量好份量，服侍周到！


其實著99%是蟲老公整的，雖然第一次焗蛋糕有點論盡，但總算完成到。過程也不是複雜，開工先！個食譜是屋主由foodbook.hk處找的。


1. 將蛋黃加入10g 糖, 打起。 加入水50g及菜油35g再打起
2. 將低筋粉及朱古力粉過篩, 拌入蛋黃漿內
3. 蛋白加 40g 糖 打至企身
4. 將蛋白分2次拌入粉漿內
5. 倒入已舖焗爐紙之焗盤內
6. 200℃ 焗12分鐘 放涼後, 待用


單是分蛋白和蛋黃已經「呢咁hea」。





朱古力忌廉: 
7. 30g 朱古力, 坐溶拌入己加熱之 30g
8. 忌廉 100g 淡忌廉打起, 拌入已放涼朱古力醬
9. 朱古力蛋糕平放, 抹上朱古力忌廉捲起, 放入雪櫃冷藏2小時, 即可



 10 . 樹頭裝飾 - 隨意（哈哈哈～～）

卷蛋糕失敗，裂開三截，唯有當三層蛋糕疊起便算。將蛋糕切兩截，其中一截打側邊放，扮樹幹。求其將蛋糕塗抿滿熱熔了的朱古力醬。再放上聖誕裝飾便完成啦～



另一邊廂，正等待卷蛋焗製之時，K小姐已經攪掂個薑餅人粉糰。可以開始壓平粉糰 & cup公仔落焗盤。

K小姐行開講電話之際，蟲老公又轆埋一份。

Cup cup cup cup... 除了薑餅人，還有天使，叮噹叮嚀，Winnie the Pooh, Piglet等等，玩得不亦樂乎。

焗了幾盤薑餅，開始幫他們上妝啦。原來支icing筆好難畫 / 寫得靚，頭幾隻搞到歪口歪面。

最後大概都有三四十隻薑餅，一人分啲。
屋主連環保蛋糕膠兜借給我們放樹頭。實物就粗糙啲，但加個盒都呃得吓人架。