借聖誕之名

小蟲沒有宗教信仰，聖誕節只是個很有氣氛的假期。當然，它亦是個容易令人迷失的購物好時節。無論之前之後，少不免會手鬆一點，加入濕平人群的行列。自問是「節制理性實際」消費型，雖然繼續實用為主，但近期也比平時買得暢快。且看入了些甚麼東東吧：

轆轆貢

話說出發去意大利之時，行李箱其中個轆有點打柴feel，不過諗住應該捱得到，所以就繼續用。去到尾個幾日，正式玩完，得返另一個轆用到。側埋一邊，拉到想一腳伸佢出大西洋。回家之後，適逢各大百貨公司減價，正正好去買個新的。


一直心儀Samsonite的輕型款，不過當然唔買啦。貴係一回事，咁招搖比人偷咗事大。無咗個gip都算，旅程無哂啲日用品和衫就真係想死。望完摸完個靚野就繼續行，行到某處見多人圍埋，就去望埋一份。最後揀咗個23寸高的，很喜歡流線型的手柄位：



原來America Tourister係Samsonite的副線，一樣由Samsonite保養。價錢都好合理，原價$8xx減到最後$500鬆少少。買完之後，就好似自由行咁，轆住去shopping。

香噴噴

享同一間百貨公司路過香水部，三個女人買咗四set香水套裝（三套RL，一套Jimmy Choo），仲送咗好多試用裝，和一個中性手袋。贈品有好多選擇，化妝袋呀，環保袋呀，幾款手袋仔咁。最後揀個實用的，送咗比蟲爸去街用。

套RL有100ml香水，50ml噴頭髮專用的hair mist，和75ml的body lotion。
本來RL的贈品係唔太靚的袋仔，為咗唔浪費，我們要求轉送兩支body lotion (50ml)，起碼有得用。


純天然

多得朋友推介Melvita（麥維他？！）比小蟲試用，用後覺得效果唔錯，而且正是Organic的產品。趁最近差不多用完Sukin，就成條line改用Melvita。跟L'Occitane屬同一母公司的Melvita，產品的香味沒有L'Occitane般誇張，比較自然。



買咗Xmas Set： Extraordinary Water Set (三支toner)，其中Orange Blossom EW試用過，先發覺原來toner都可以好滋潤。另外一支eye cream，一支rose hip oil和潔面泡沫。連同之前友人送的皇牌產品：Rose Nectar日霜，就夠晒用啦。

聖誕其間滿指定金額，送蜂巢格仔朱古力屋，每格一粒朱古力；和蜜糖肥皂。

蟹樹手


除咗手霜外，已經好耐無用Crabtree的產品，因為覺得大部份貨品效果麻麻，而且正價絕對是overprice。其中家人是某大公司職員，Crabtree好多時會去那公司做roadshow或特別優惠，小蟲那時候才會託買些少手霜。

今期見handcream禮盒，舖頭做緊$122，職員優惠價$95。
執咗兩盒，用嚟聖誕交換禮物都好吖。大方得體（自己覺得）。


淘淘寶

今期淘咗頗多寶寶，不過唔樣樣講啦，介紹啲好野先。嚟緊仲有一批，睇過正嘅先再出多篇講。

貼近2012年，該早早便買定個新月曆，但拖拖吓到宜家先買。事緣一直掙扎想幫襯tintint.com自製靚靚年曆，但連運費都要HKD200有多。雖然靚，又有意思，但不竟用完一年就係廢物，所以都係揀啲現成cheap cheap年曆算數。

最後淘咗兩個鬆弛熊座檯曆，左邊大個點的有三款，選了小雞款，內裡有香港假期添架，未連運費RMB9.5。細個的有兩款，RMB3.8（！！！！）質素不錯，只是小熊那個角邊摺鄒了少許。連運費都係十零蚊港紙一個。



家中一直缺乏bookend，尤其是蟲老公很多時會借一堆圖書回家看，隨手打棟棟埋一邊，實在有礙觀瞻。所以淘個bookend（中文叫書立／書擋），有不少高貴型格款式，但偏好可愛種類。
一套兩個的長頸鹿bookend，估不到的好質量，造工細緻，有點重量。RMB19.9一對。