2011希臘初夏 ♣ 去看最美的～Oia～

在Santorini的最後大半天，去看最美的～Oia～
小蟲喜歡紅的Santorini。



2011希臘初夏 ♣ Index

Day 9: 2011.06.08 (Wed)


留在Delfini酒店，連埋瞓覺都係得12個鐘唔夠，感覺唔係好抵。
不過鬼叫我哋唔黐家，掛住享外邊hea咩。。。



來到第九日，打算在附近逛吓行吓，之後揸車去多個景點，就返去Fira還車，再去機場飛返Athens。



日頭走出酒店，向Oia的盡頭出發。
一路望過去，好似有啲距離，但齋行都唔係遠。不過尋晚就係趕唔切行過去睇日落。








又係烈日當空的一天，雖然曬到爆，但地方真係好靚。
有別於Fira，這裡感覺淨潔一點，可能係無咗啲電線桿吧。



加上建築的佈置比較有特色。







行人專區有闊有窄。
若然早的話，其實行都好舒服。就算比較窄的部份，都唔會逼。




其實我哋一啲都唔早（11點打後），所以後來遇著郵輪埋岸，
有啲窄嘅地方真係逼到行唔到。








兩旁有好多舖頭，我哋當然都睇吓。例牌的手信舖，都係去格吓價，睇吓之前享Santo Wines買的手信有無炒燶。好彩，比較過驢仔環保布袋和Santorini景的餐枱墊，絕對係Santo Wines贏！



其他仲有好多藝術格調感重點的舖頭，價錢當然又貴啲。不過唔買去睇吓都好吖～






其中有間手作仔舖頭，用木整的小擺設和宗教裝飾。
比起大量生產的小農社會製品，這裡的製作有特色得多，

而且價格亦好合理，所以享道行咗好耐揀禮物。







部份的舖頭，裝修得好靚。
哩個舖位享最窄的行人位，你見到地下有幾闊就係咁闊，所以塞晒人。
小蟲亦壁埋一邊，等一輪先等到無人的十分一秒影張相。







行到尾就去到大家好鍾意睇Oia日落的城堡位，望左望右都靚。






當然，望西邊就係招牌風車位。







向下望都有野睇，就係尋晚食飯的Amoudi Bay。
個岸邊翠綠到呢～～～







睇咗一陣頂唔順太曬就回頭，越近城堡位就越多人。





中途食晏時間，好彩享沿路揾到位食餐，不過就人客多，職員有啲亂。
餐廳的景觀都係賣點，不過我哋揾到位都算執到。
若然要等位又晒啲時間，阻咗下一站的行程。







食飽就返酒店攞行李同攞車，擾擾嚷嚷又已經兩點半。。。



初初以為有車可以去多好多地方，起碼去下紅沙海灘，甚至去Santorini的南端看看，結果都係得個諗字。要趕都得嘅，不過算啦，真係咁想去咩？都係貪心啫。



在酒店附近的建築，求其都好靚。
尤其是近地面的石塊鬆上白食，好似落完雪個地下咁。






仲有好多相想出，不過寫完晒遊記，
有時間先揀啲小蟲特別喜愛的照片出篇「Santorini印象」。



（預告：在Santorini的最後一站）


2011希臘初夏 ♣ Index