2012廣州日半食食買買：瞓七仔

賴天氣，賴心情，賴三賴四，總之就是忽然不想寫blog，於是便休息了一周。
（有睇小蟲FB page的話，就知唔寫blog可以忙啲咩）
好了，現在總算有點點心機，就講多少少廣州，順便完成這趟短trip，繼而開新trip。



2012廣州日半食食買買

 2012.07.07  - 2012.07.08





話說短短哋兩日一夜，都要揾個地方瞓㗎。反正都係瞓一晚，地方乾淨即可，唔洗靚最緊要平！內地有不少連鎖式的客棧，價錢相宜，口碑都還可以。其中一間叫七天的全國連鎖式「酒店」，大把分店比人揀。旺區可能會貴啲，以我哋揀嘅享火車東站過一個地鐵站的燕塘，都ok方便。



單係這個地鐵站附近，就已經有兩間七天。本來當然越近越好，但神推鬼push，訂錯咗遠啲的一間，大概行六七分鐘左右。唔係遠，但大熱天時買到一抽二冷就稱唔上享受囉。








對於哩種廉價住宿都無乜期望，lobby簡單都算企理，
有日用品賣（因為房內無乜用品提供，見下）。
服務員的態度出奇地好。



大家見到個牌，最貴的房就只係RMB305（門市價）。
以我哋出發前訂咗兩間房，一間double，一間twins，埋單都好似係RMB187和207，抵！

入房睇吓質素得唔得先～～


裝修都算新淨，不過手工就麻麻地。
用品方面，有毛巾、掛牆鹼液洗頭水供應；其他個人護理如牙膏牙擦要自備。






大床房(double)唔算大又唔算迫咁啦，有電視冷氣熱水煲都算係咁。
有wifi，有lan線。 張床舒服，但枕頭扁撻撻就扣晒分。



蟲姐們的雙床房就好得多，地方又大啲，而且比咗尾房有落地玻璃景，有無搞錯！
雖然個景唔係靚，但總好過我哋要面壁～


不過落地玻璃都有代價㗎，一來對住馬路嘈啲，二來熱好多。






外觀方面就一般啦，最奇怪無啦啦條走廊貼啲無理啦更嘅公仔。
同埋有公家風筒，無錯，係要企享走廊到吹頭的。







根據我哋估計和觀察，相信雖然七天係連鎖式，但個別分店的質素都可能會有不同。有啲殘啲，有啲附近環境差啲。如果習慣行走江湖無所謂的話，咁就難唔到你。但如果有些少要求的話，最好都係check真啲虛實比較穩陣。 哩間分店，論價錢質素，還是可以推介的。

http://www.7daysinn.cn/