2013 重遊塔斯曼 《食在Tasmania: 沒有生蠔的塔省》

2013 重遊塔斯曼 ♣ 路線 + 遊記Index 

 2013 Sep 匯率: 1 AUD = ~7.3 HKD

提起食在澳洲，特別係Tasmania，好自然就會聯想起生蠔。如果你以為哩篇嘢有生蠔介紹，哼哼，Sorry嘞，係無㗎！因為小蟲同蟲老公一啲都唔鍾意食生蠔。全程只係食過兩隻咁大把。咁，唔食生蠔，仲有咩好食呢？就介紹幾間覺得好嘅餐廳啦，普普通通嘅就唔提啦。

Dunalley WaterFront Cafe @ Dunalley

由Hobart入Port Arthur必定會經過Dunalley這個小鎮。我們純粹路過，不曉得之後的路還有沒有吃的，就決定停下來吃個午餐。餐廳是個類似藝術廊的地方，有些少設計手飾、擺設等。

環境確實很好，可以好好享受室內室外的恬靜。
除了餐廳食品和藝術品外，還有果醬和蔬果製品出售。

是日天氣一流，但其實頗為大風和寒冷；坐室內比較舒服。當然，還是有當地人不怕冷的。

雖然是炸魚薯條，但製作認真，絕不粗製濫造。
小蟲輕輕點個海鮮湯，濃味足料，幾隻大蝦仲有帶子。連麵包亦是新鮮出爐的。

翻兜指數：
網頁：http://www.dunalleywaterfrontcafe.com/
消費：$45.8

Swansea Bark Mill Bakery / Tavern @ Swansea

初初選擇到這兒吃晚餐，是比起其他食店較遲關門。Tavern部份是個酒吧，自行到收銀處點餐，再自己搵位。試過好味，第二朝翻兜位於旁邊的cafe食早餐。留意兩間餐廳的營業時間有所不同。

點菜的酒吧部份較熱鬧，有電視桌球枱等。
用膳地方都唔嘈，有火爐暖身，幾好feel。食物準備好，得自行出去取回座位。

點了Barkmill special pizza和seafood platter一份，以為都是好醜又一餐，但出奇地ok。Pizza是很久沒有點的厚批，一般的都是又韌又飽滯，但這裡的居然鬆脆可口！Seafood platter款式多，不是種種好吃，但價錢實惠兼還算新鮮（夜晚來吃）。

去澳洲必食，一定係批！基本上大部份嘅批都好好味，熱辣辣脹卜卜，雖然好邪惡但吃得滿足。

翻兜指數：
網頁：http://www.barkmilltavern.com.au/index.php
消費：Dinner @ $56.2, Breakfast $19.9

Salamanca Market @ Hobart

Salamanca Market多嘢食就好多人都知，唔想食熱狗咁飽，仲有其他選擇嘅。

多款口味的crepes，有鹹有甜，即叫即製。大冬天時真係咩都想食～
不過留意佢哋無特定排隊方式，靠大家自律，互相辨認邊個先邊個後喇。

咩都想食的情況底下，揀淨香蕉nutella和芝士菠菜之爭，最後～芝士菠菜勝出！個皮做得好軟，軟得嚟又有咬口，餡料之多更加唔洗講。

另一檔吸引到我哋幫襯，係pizza！唔好以為凍冰冰有咩好食，佢哋嘅pizza除咗不斷出爐外，order後仲有翻熱服務。咁，唔會韌咩？

咁又唔會喎，佢個流動烤爐真係型得嚟實用。況且薄批差極都有個譜嘅。我哋揀咗帶子批，薄頁頁，食咗等於無食，最啱掃街。

翻兜指數：
網頁：http://www.hobartcity.com.au/Hobart/Hobart_Events/Salamanca_Market/Market_Map
消費： Crepes $8, Pizza $8

Christmas Hill Raspberry Farm Cafe @ Elizabeth Town

Raspberry farm好似係不設對外參觀，但單係個cafe已經吸引咗小蟲的靈魂，淨係食都好呀。本身行程係fit唔到去食，不過拜壞天氣所賜，一啲都唔適合室外活動；於是無嘢做，就揸過去專登食一個tea。咁啱得咁橋，是日餐廳斷電，正餐要開爐的食物都無。好彩我哋係食飽午餐先嚟，甜品咖啡無被影響。

餐點堂食外，例必有外帶的選擇，更有冷藏Raspberry一大袋賣。你要知道，香港買raspberry係幾咁貴。。。

諗嚟諗去，始終肚皮有限位，只能揀兩個飲的和兩個吃的。
所有嘢都係Raspberry，包括waffle、latte、cheesecake和affogato。
可惜天氣冷，食物凍得好快，杯嘢想慢慢飲都唔得。

食完，仲可以出去行個圈。餐廳有個湖，理論上係可以行一個圈嘅，有啲舊建築和遠望raspberry farm。
不過當日唔知係太大雨，還是刻意封路，中斷已經行唔過，要走回頭路。

翻兜指數：
網頁：http://www.raspberryfarmcafe.com/home_cafe.html
消費：$29.9

Seabreeze Restaurant @ Elizabeth Town

最後享Tasmania的一日，晏晏地兩點幾先去揾食，靠tripadvisor嘅nearby功能揾到seabreeze。評價好之餘，仲有海鮮食，咁最後一個午餐都「係咁意」食吓生蠔啦。不過我哋實在太晏，人家午市已經收爐，只有tea和light snack。哎，註定同生蠔無緣。咁，都無所謂嘅。

好多餐廳都係零零舍舍得一間享公路邊，如果唔啱食或無得食，又要揸一輪去揾㗎啦。

我哋唔大食，但誓估唔到light snack都有啲份量。要咗個bruschetta，薯角和蝦棒。
享外國食嘢，大部份真材實料，唔需要搞太多嘢已經好好味薯有薯味，番茄有番茄味。

翻兜指數：
網頁：https://www.facebook.com/pages/Seabreeze-at-Killynaught/277212928976874
消費：$35

新鮮食材煮飯仔 @ Everywhere

講咗一輪，其實小蟲最想講嘅唔係餐廳，而係本地食材！香港所謂好食嘅餐廳，多是以功夫見稱；想食材靚少少，就得比premium price，因為全部進口。去到澳洲，真係無理由唔食返本地食材，而最好嘅食法，一係生食，或者係輕輕煮。嗰啲新鮮法，食物本身應該有嘅味道，香港真係好難食到。

哩個trip，大大話話食咗十綑以上的露筍，因為實在係太～～～～～平～～～～啦！！！享citysuper買，靚啲嘅要＄40以上一束，夠享度食四束！而且簡單方便，連鹽都唔洗落，白灼已經十個好味。

逛超市係我哋最開心嘅活動，食材款式多，新鮮。香港雖然都有平嘅，但無嚟文味，質素無得比。以我哋亦會花時間，每樣產品睇清楚（真係每樣！），最低限度要係澳洲出產嘅。仲要越local越好，享Tasmania就盡量揀當地出產嘅。

哩個trip都可以話係煮得最多餐嘅，一嚟住嘅地方普遍有廚房、用具齊全，二嚟材料靚又平過出去食。
就算買隻烤雞、買舊莎利蛋糕（都係澳洲製㗎）都好食過人，係咪覺得小蟲好誇張呢～

煮飯仔以外，仲有好多唔洗煮都食得嘅，例如澳洲盛產嘅奶類製品。最衰幾乎晚晚唔同住宿，好多大packing嘅食物都唔買得；好似盒裝嘅雪條，兩個人真係一晚食唔到六條囉。但買散裝嘅選擇又無咁多。。。
右下角嘅Devondale牛奶，香港1L做特價最平都要$14，哩度一蚊澳紙一litre，平到喊。有一刻真係想托一箱返嚟。

最後唔少得零食啦，小蟲最愛有Cheezels、Smiths薯片（薄嗰隻唔好食，要厚有曲曲嘅先好味）、Flake；反而Tim Tam就無買啦。唔好以為香港夠有Tim Tam, KitKat, M&M買啦，香港買嗰啲係大陸或者東南亞製，無澳洲出嗰啲咁好味㗎！

出發前好似見過有人話Twinings平，於是睇睇。果真係平，不過留意係大陸造㗎；估唔到呢～

2013 重遊塔斯曼 ♣ 路線 + 遊記Index

更多照片或資料：Facebook Album