26 December 2013

2013 閒遊。神戶 《行程總覽 & 實用資料》



 2013 Dec 匯率: ¥100 = ~HK$7.5
 欲看其他照片,請參閱Facebook Album

前言

哩個絕對係身痕之旅,無預計中被特如其來的廉航減價潮掩沒。正如之前提過,便宜並不是出發的原因,但卻是個誘因。反覆思量,平衡時間、金錢、年假、目的,最後還是買了香港快運$16xx連稅往關西空港的機票。算是個便宜的價錢,卻又不是最便宜;買了票後不久還有一潮減價,同樣的來回時間,最抵做到$11xx!Well,哩啲筍嘢都唔係小蟲執到㗎喇。。。以$16xx這個價錢出走一個周週末來說,尚算相宜,碰巧日元回落,就更加快活。

這個旅程不打算特別寫blog,住宿甚佳但沒有太多想說,食嘢都係行到邊食到邊。行程目錄詳盡少少,有些少廉航經驗會分享一下,另加兩篇推介地方就算;其他散件就得閒在FB page出。一如以往,歡迎發問和留言。

神戶印象



行程

臨出發前被同事一輪嘴狂轟(雖無惡意,但確實群情洶湧):點解唔去大阪、點解唔去京都、點解唔去有馬浸溫泉、點解唔一月大減價先去;淨係去(被人標籤為day-trip嘅)神戶。其實小蟲想問,點解要問點解?喜歡就已經足夠吧。旅行的趣味,不一定是跟既定程序去走,最重要是清楚自己喜好而行。

接下來的問題,就一定係「咁神戶有咩玩/睇㗎?」當時真心答:「無㗎,行吓企吓㗎咋。。。」眾人對此答案甚表不滿,露出「有啥值得你去」的不惑表情,硬是想迫小蟲說些他們沒有聽過的新奇景點。天呀~放過我吧!一個地方有甚麼得一看,全憑你怎樣發掘、怎樣看待它,旅遊書告訴你的只是個參考。就算小蟲勉強拋一兩個景點出來,你還是覺得費解。這,是思維問題。現實中,小蟲選擇陪笑和保持沉默。幸得深明小蟲的同事搭腔:「飲杯咖啡都坐半日啦。」



DayDateItinerary
12013.12.19 UO688 : 香港 20:30 > 関西国際空港 ~00:30
すき家 (関空)
ホテル日航関西空港(¥ 10800)
22013.12.20 関空 > 神戸三宮
そごう神戸店紀伊國屋書店LOFT 神戸
北野異人館ライトアップ(睇燈飾)
三宮附近
ドトールコーヒー
UCCカフェプラザ
らぁめん屋 宮本武蔵 三宮店
鳴門鯛魚燒本舖
 ザ・ビー神戸(¥ 13500)
32013.12.21 元町附近
神戸港震災メモリアルパーク
UCCコーヒー博物館 *
南公園 Ikea
神戸イルミナージュ2013|フルーツ・フラワーパーク (関西最大規模的燈飾展)*
本神戸肉森谷商店
元町サントス
南公園 Ikea レストラン
えこひいき居酒屋 三宮生田ロード店
ザ・ビー神戸(¥ 13500)
42013.12.22三井アウトレットパーク マリンピア神戸 (outlet)
神戸ハーバーランドumie大垣書店Uniqlo
神戸三宮 > 関空
ステーキ西村家 (神戶牛)
イグ・カフェ
一石二鳥 居酒屋
-
52013.12.23UO689 : 関西国際空港 01:40 > 香港 ~05:00
-
-

遊記Index


實用資料

事前不是沒有爬文,但爬來只是好等自己有個概念而已。幾天的旅程輕裝上陣,旅遊書一本也沒有。最實際的做法,是到埗後取當地的小冊子和資料,或買當地的旅遊雜誌。好處是函蓋範圍廣內容深,有些地方香港的旅遊書根本不會提。當然,問題是日文看不明。小蟲廿年前雖學過兩年日文,但絕不能稱得上懂日文,僅僅比完全不懂的好一點點。大部份時間是看圖識字,識漢字識拼音,加點常用字便行走天涯,大概猜得出意思。個人覺得就算看不懂,只要懂得看照片和看地址就已經足夠。況且網上翻譯,也非常方便。另外有些網上資料,同樣非常有用。

逛書店
人家的書店,地方大就不在話下。書多而廣,廣而深,甚麼類型都有,擺位分明。一般旅遊的部份,書店會將自己地頭的書放在最當眼位置,省級或其他區域的書則在次一級位置。神戶已經不如東京大阪大,但有圖的介紹書都有一大個書架。任睇唔嬲,要揀都要花些少時間。各下想慳啲,齋睇唔買都得嘅。初初以為會買るるぶまっぷる的旅遊書,但揭揭下覺得太多資料,這幾天應該用不着,就轉戰cafe書,用得又儲得。所以大家去望望,更可以買定下一次日遊心水地方的旅遊書,香港貴一截㗎。

之前在FB page提過,るるぶ有電子試閱版:谷歌play books

 宣傳單張
人家的單張,印刷精美,內容豐富。求其取了兩份關於神戶牛的資料,大大話話有三四十間選擇,有齊營業時間,午晚餐大概價錢。總好過旅遊書來來去去都係嗰幾間,去到全部都係遊客。不過這個也不是重點,而是人家的單張有不同地區的選擇。就連outlet的垂水區都有,那我們就順路去吃好了,不一定侷限在神戶市內。其實之前在仙台誤打唔撞揾米沢牛吃,都是參考當地單張的。除了吃,景點單張偶有驚喜。例如Asics的總公司位處神戶,原來更有免費入場的Asics博物館,啱晒運動人士去朝聖。

所以在機場、酒店多看看當地的資料啦。



 開飯喇!
當然,你可能會覺得啲單張都係廣告嚟啫。這點小蟲也不否認,但有一些是官方機構印製的,就算是廣告也製作認真令人信服。況且日本的餐廳,難食極都有個譜。揀啱餐廳,但又想揾多點點參考,就不妨去ホットペッパーグルメ或者食べログ,看看評分食評和餐廳資料(有相有menu,有時仲有coupon)。跟香港openrice一樣,相信幾多就自行判斷啦。

另外,在三宮有無限咁多的餐廳,有不少在同一棟大廈內,在路邊放置餐牌或廣告,可以看看食物和價錢是否合胃口。我們有一晚餐11點幾先食,隨街找著間夜店居酒屋,碟碟¥299,壽司、串燒、石頭鍋飯、火鍋、飲料通通¥299,無花無假。而且味道唔錯添,平到笑,仲有獨立空間。旅行要到處探索一下才有趣味嘛~



 便利搭車
如果一般市內遊,住在三宮或元町附近的話,小蟲覺得沒有太大需要搭車。要搭的話,其實神戶的交通選擇頗為多而複雜,可以參考這裡。不過參考和實戰又是兩回事,行到某處想去另一處,咁多鐵路和巴士應該搭哪一樣?任你plan得有幾詳盡、有幾多張鐵路圖都幫你唔到;但日本雅虎的路線情報卻即刻幫到你,還要是按你當時的時間和地點,早啲遲啲,用出發時間、到達時間,按價錢,按轉車次數來尋找,甚至是跨鐵路網尋找,方便到不得了。不過,最基本係,你要上到網先得。

 我要上網!
所以,順手講埋pocket wifi嘞。眾多出租pocket wifi的公司,幫襯了VisonData,一個月前租有折扣,4G機一日$70(折後),最少租三日,另加$1000訂金,還機時退回現金支票。租金日數是按你出發和回程日計算,出發日前一天取機,回程後一天六點前還機。舉例小蟲是19號旁晚出發,23號早上回來,都只係租三天;因為我們當自己20號出發,22號回程。兩人用共$210,都幾抵。接收普遍無問題,只是有一晚到了郊外,中途斷過一陣。兩人chur得勁的話,大概四小時就無電,不過時下人人有尿袋,乾塘都已經唔再係問題。

對小蟲來說,上網最有用的都是找地方(尤其是無乜點plan)和找交通資料。下次再去日本,都一定會租pocket wifi旁身。我們幫襯VisonData主要是它辦公室比較就腳,有些其他公司在機場取還儀器,但對我們航班時間並不適合。VisonData這公司都無乜問題,取機前的問題回應和處理速度算幾快。只是取機時旺角舖的亞姐有些少寸,問多少少都好似唔願答咁。香港還有很多出租pocket wifi的公司,自己格價和看評語了。另有網友推介日本公司WiFiレンタル屋さん,儀器直接寄去酒店,還時只需在郵局投寄,相當方便。唯一是由機場去酒店的一程沒有wifi了(低少一陣頭吧!)。如果日數短的話,價錢跟香港差不多;日數長的話,就可以慳唔少。再如果想去到先租都得,關空的抵達大堂有多間出租電話或pocket wifi的公司,慢慢揀嘞。


28 comments:

  1. 對我來說, 你既行程已經係特別既景點 :)

    ReplyDelete
  2. 好想去日本,最好就係好似你咁,唔plan咁多,行到邊玩到邊就最好。

    ReplyDelete
    Replies
    1. 不過如果你諗住帶埋BB,就要plan多少少,或者帶多啲人幫手。 ;)

      Delete
  3. 我都喜歡去関西。想問今次怎樣來回関西空港?

    ReplyDelete
    Replies
    1. 本來想搭船㗎,但雨天停駛,唯有搭巴士啦。直接路線(有啲會停大阪)的巴士,都係一個鐘就到。 ^^

      Delete
  4. 隨意仲好,唔洗限住去邊呀

    ReplyDelete
    Replies
    1. 係呀,而且太多變數啦,邊plan得咁多,輕鬆啲好。

      Delete
  5. 千零蚊真係抵到爛,點可以唔去!

    ReplyDelete
  6. 哈哈,我今朝剛剛離開神戶,又係住The b. 間酒店位置又好,房間又ok,我因為好早book,一晚7900yen twin room, 真係好抵!

    ReplyDelete
    Replies
    1. 呵呵呵~咁你鍾唔鍾意神戶呀?我住嗰個星期啲酒店度度都好貴,明明星期五係正常價,一到Sat就貴一大截。同埋可能係deluxe twin會貴少少咁多啦。 ^^

      Delete
  7. 臨出發前被同事一輪嘴狂轟(雖無惡意,但確實群情洶湧):點解唔去大阪、點解唔去京都、點解唔去有馬浸溫泉、點解唔一月大減價先去;淨係去(被人標籤為day-trip嘅)神戶。<---- 雖然無惡意, 但感覺到好煩!!! 你去旅行點解要同"非團友"解釋點解?

    看你的行程, 是去影燈飾 + 吃吃喝喝看東西為主吧! 好掛住神戶牛肉和日本的書店...

    有得隨街上網真是好方便! 不是要隨時隨地 check in, 而是可以隨時隨地搵資料. 我對上一次去法國又是做極少 research, 靠 on the go 上網搵餐廳 rating / 看地圖! 方便到暈~

    ReplyDelete
    Replies
    1. 真係有啲煩,但又無理由發老皮㗎。。。或者下次唔話自己去旅行算。宜家有得上網真係好方便,以前啲人去旅行真係只靠旅遊書,又要打電話去訂民宿。:P

      Delete
  8. 喜欢你这段话: "旅行的趣味,不一定是跟既定程序去走,最重要是清楚自己喜好而行。"
    悠闲自在的旅游更让旅游添色:)
    by the way, 第一张照片,带着钟的青白色为主的木屋是旅馆还是餐厅?

    ReplyDelete
  9. 你嗰杯咖啡睇到我滴晒口水啦,等睇你寫UCC嗰篇 :P

    ReplyDelete
  10. 期待你的神戶遊記~~(但你其實仲有幾多個遊記未寫??)

    ReplyDelete
    Replies
    1. 講哩啲~XD 唔計澳洲神戶,都係淨返三個啫。:P

      Delete
  11. 神戶燈色真係好靚, 可惜我12月一定放唔到假, 所以一定睇唔到.
    估唔到你會去神戶喎!

    ReplyDelete
    Replies
    1. 我去嗰個燈飾節由11月做到2月㗎,有得諗吖。因為得幾日,唔想兩頭騰,大阪京都唔想再去住,所以神戶、奈良、和歌山,任選其一。 :D

      Delete
  12. 家下去旅行都係搵資料,Plan個個行程到係Plan ,去到都係亂咁行,亂咁睇...亂咁食...
    其實我係無跟Planning...

    ReplyDelete
    Replies
    1. 同埋好多時plan就plan咗一堆地方想去,但實際都唔夠時間去。。。 :P

      Delete
  13. 神戶牛肉確實令人神往,別的行程也是爲了消化上一餐、期待下一餐的呢。

    ReplyDelete
  14. 看來行程都很豐富呢!祝新年快樂!

    ReplyDelete

到此一遊,留個字啊~

Related Posts Plugin for WordPress, Blogger...