18 May 2014

2012秘魯:Day 17 Huacachina / Ica 《飛沙耳窿轉》




2012 April  匯率: 1 Soles = ~2.9 HKD

DAY 17 - 2012.04.21 (Sat)


Argentina > Peru 【 Lima  Huacachina / Ica > Nasca > Arequipa > Puno > Cusco > Ollantaytambo > Aguas Calientes > Cusco > Lima 

入住酒店之後,趁有十來分鐘才開始Sand dune buggy tour,便到附近逛逛。好明顯的是,街上的感覺比利馬舒服得多。沿途見到其他遊客buggy tour回程歸來,其中遇上一隊相信是韓國人,位位阿豬媽由頭包到落腳,像去耕田一樣,既不會曬傷,亦不會入沙。不過小蟲實在頂級怕熱,情願塗太陽油和入沙好了。Buggy車有大有細,我們的算是高車身的一種。大家貪方便,前坐已經爆滿了,我們遲來的只好爬到後座去,幸好身手敏捷。關鍵是:兩手揈揈,乜鬼都唔好帶。開車隨即澎澎聲向沙丘直衝,大家喂嘩鬼叫,事前完成沒料過會如此刺激,幸好有安全帶和用腳撐住。


其實字裡行間,是很難形容那種速度感和沙塵撲面的感覺。有點刺激(因為開車不久小蟲和蟲大姐不禁互問,旅遊保險有無包這種活動㗎。。。),但在烈日下吹著有沙的涼風,又有趣又奇怪。全程約一個半小時,除了在沙漠上亂駛一通,沿途會停幾次給大家拍照,另外多付少許費用便能玩Sand Surf,最後還有時間看日落。最後最後,不能少的是去看沙漠中的綠州;行程還算豐富。

呀,一提的是,小蟲見去沙漠怕相機入沙,於是取了之前在瀑布用的防水袋一用。結果證實是非常管用的!蟲姐的沒有用防水袋,回到酒店個鏡頭幾乎合不上。猜是被沙粒卡住,幸好有鏡頭pump狂唧幾嘢又好返。另見有其他遊客帶大相機,下場都有點坎坷。莫說是相機,我們整個人全是舖滿沙粒,事關能入沙的地方都有沙,連耳窿亦有。小蟲穿的長褲,後來洗了幾次,褲袋內還是有沙的。。。奉勸各位有機會玩類似的玩意時,記得戴太陽眼鏡、戴帽、塗太陽油,有圍巾包面,無就乜都揾啲嘢圍吓。無咩都唔好帶大相機,小相機都要好好保護,有透明袋就用啦。因為,真係好大沙塵。

回到酒店已經入黑,但不得不洗個澡。之前當地導遊Jorge說旁晚回來找我們去吃飯,但梳洗完還未見影。他提過自己會出Ica,猜是行行企企飲杯嘢來消磨等待我們的時間。不過見他回來時捧著一大堆厚厚的binded printout,問起來原來他是個教tourism和英文的老師。出Ica順路去列印筆記,因為價錢比他的原居地Nasca便宜(之後會去的)。之前見他吊兒郎當,原來是教授一名,失覺晒!加上之後帶我們到Ica,完全發揮好客之道,行商場介紹了不少是地道事情和他自己的事,和日間到巴士站接送我們簡直是判若兩人。

其實過埋下一日便開始上高海拔,所以明天起要開始食高山藥(西藥Diamox是要早一天開始吃)。我們好像算錯了日子,帶過去的劑量不夠,於是導遊帶我們到藥房多買一點,而且價錢超便宜~ S2.5一大排,如果想慳錢的話,可以去到先買。不過不懂西班牙文的話,就小心買錯藥啦。逛飽便隨意在main square找間連鎖式的烤雞店又一餐,繼續吹水和教授預防高山症的需知。這樣,又一天。沒有做過甚麼,但感覺充實。

注:雖然Huacachina和Ica的距離頗近,但都要搭車出入。我們有當地人帶著搭的士,單程S7。另外在Ica短距離的路程,可以搭類似tuk tuk嘅車仔。同樣,由當地人講價,搭咗一程S1.5。不過臨急臨忙上落車,無拍照了。

相信是韓國人的一車,大家準備十足。

Buggy都有大細車分,我們是前面的大車。

唔係咁你都認得我吓嘩。。。

開車啦~ 不過入沙漠前要收過路費。事前司機已代收,位位S3.65。

另一款buggy,不過車身好似無咁高。

浩瀚的沙漠,留個掌印先!

滑沙,睇多過玩。一諗起滑完要爛返上沙丘頂,都係做觀眾啱小蟲啲。

45度角衝落去,不過睇住啲人呀~~~~

沙漠看日落,真係幾靚。



真正沙漠中的綠洲,Huacachina鎮其實就係得咁大。

鹽焗手臂一條。玩完有咩可能唔沖涼啊。。。

出去Ica逛,商場裡面的一間大超市。但除咗食物,仲有家品,有啲似百貨公司。

有中國食材,相中的肥叔叔,就係我哋哩兩日嘅導遊。

要嚟沖菊花茶?!
秘魯有好多地方非常乾旱,部份人或商店會買啲大水箱儲水。

商場內的其他舖頭,富有當地特色的tee。

仲有藥房,順手買多啲Diamox。



9 comments:

  1. The view of the dessert lake is similar to Chinese 'Moon Tooth Spring' .

    ReplyDelete
    Replies
    1. 係?等我睇下先~ 不過大自然真係好神奇,無啦啦沙漠有個水源。

      Delete
  2. 咁第時如果有機會去行絲路都要參考下你喱個相機裝備先得~~~~
    其實好似阿珠媽咁由頭包到腳都幾好,啲衫去玩完返來香港可以掉晒佢kakakaka

    ReplyDelete
  3. 突然又去寫返南美! 你可想而知你係個懶蟲!
    但見相又唔大風沙噃~ 我係鹹海時,遇過8號風球既風沙,沙龍捲,所以我明白你當時既恐懼~

    ReplyDelete
    Replies
    1. 哈哈~做咩喎~心血來潮想寫嘛。
      唔係好大風嘅,不過係架車開得快,揚起啲沙。咁你遇到嗰啲勁好多啦!

      Delete
  4. 我在澳洲要過一次滑沙, 激!!
    去年在哈薩克那個考古地區, 突然刮起超大既風沙, 打落來甚痛!!
    大機好彩收手收快, DC 仔也不敢取出來~~

    ReplyDelete
    Replies
    1. 有無成口沙呀?我見啲人嗌晒咁沖落去,真係食沙食飽。
      下次再去沙漠,記得帶個潛水袋袋相機啦 ^_^

      Delete
  5. 優秀的文章,我喜歡的照片!我很喜歡我自己的旅程到秘魯。你可以讀到它在我的網站:


    www.mightytravels.com

    ReplyDelete

到此一遊,留個字啊~

Related Posts Plugin for WordPress, Blogger...