2008 日本東北 【Day 2 仙台】- 享負盛名？

路線圖 

香港

仙台 

松島

石卷

山形市

寒河江

銀山溫泉

最上峽

藏王  

山寺

仙台

香港

Day 2 (Part 2) 2008.01.21 (一) 

仙台天氣:

(2 / -2C)

返到仙台站，兩個肚都打晒鼓，事關繼早餐之後都無食過嘢。
五點，食晚飯好似早咗啲。通街行，見享二樓有大玻璃的Organic Cafe，tea一tea人都開心啲。 

店舖都係以自助形式為主，入門口麵包店格局。先取食品，再去counter買飲料和付款。當然，亦可以先搵位再出去買。派火柴人去覓食，覓咗個迷你scone和有芥末味的芝士雞肉包。仲有一杯Mocha和Latte (960円)。餓鬼出籠，乜都覺得好食(但真係幾好食)。個雞包享叫飲品時自動代為加熱，所以更覺滋味。

平日的五點幾鐘，都唔係多人。多數都係一個人壁埋做功課，或者兩個人閒聊。
地圖的ballon A就係Organic Cafe，享轉角二樓位置，睇街景都唔錯。
食完就過左對面(中央2)，係間有幾層的百貨類公司。本來都無諗住行，但見門口正是手機的檔攤，好鬼吸引，就入咗去。真係好鍾意日本的手機，每拎起一款就讚嘆一番，就咁睇咗幾乎成個鐘。。。

繼而落咗地庫的超市，入咗大蘋果一個，甜柑一袋，2L水一枝。(894円) 又繼而殺入對面(中央1)的Loft，最後去到SPAL (Ballon B)。目的地就係。。。

旅遊書介紹晒，相當出名的塩竈壽司哲。本來plan好過兩日享石卷回程時去塩竈一趟，為的，就係佢! 朝早享地鐵轉JR途中，恰巧路過SPAL見到有此食店，就決定今晚食哩間，順便慳番唔晒兜落去塩竈。

入到去，都係有除鞋的座位，或者Bar檯兩種供選擇。睇下圖，都知道揀咗邊種。
餐牌，都係得日文和無圖，服務員無辦法解說得明，最後指下牆上的拼盤貼圖，睇黎都係店中的主打。好，就要一盤，和用有限的日文閱讀，指咗盤Toro壽司。

先黎盤塩竈物語(3200円)，跟住Toro壽司18件(3000円)。附有蝦頭湯兩碗，和飯後的Strawberry雪葩。未知是否受雜誌吹捧過度以至期望過高，壽司論味道和新鮮，只覺得一般。舊鰻魚同其他魚生一樣咁 --- 凍! (如果此乃係正常的話，煩請告知)。Toro壽司的賣相，更係舊舊都唔同，18舊各具型態。但話說會頭，HK$四百幾蚊食到咁，都算係咁既。。。可能塩竈本店的水準有所不同，但仙台店的，則可以不試。

一路食，不其然諗起早兩年享福岡偶然食過餐壽司lunch，真係回味至今。

 

享酒店有碌咁既嘢，會係。。。。？

更多照片