2008 日本東北 【Day 3 松島】- 古怪水族館

路線圖 

香港

仙台 

松島

石卷

山形市

寒河江

銀山溫泉

最上峽

藏王  

山寺

仙台

香港

Day 3 (Part 2) 2008.01.22 (二) 

松島天氣:

(3 / -4C)

去完瑞巌寺已經兩點，跟據原來計劃先去松島魚市場食晏，再去水族館。在GPS輸入了魚市場電話就出發，魚市場和瑞巌寺的距離幾近，行路過去都得。不過行來行去都要時間，而水族館4:30pm就收，所以都係渣車好。架車去到GPS上的終點。。。但，咦？點解係空地來呀？唔係執咗嘛？再兜返轉頭都係搵唔到，

哎，唔晒時間搵啦。過去水族館先算，嗰邊應該都有嘢食。

水族館出面係一條單程路，有指示話幾百米後有停車場。小蟲渣到差不多出返大路，見有啲車泊享街邊，就跟人泊街算，斷故唔抄牌呱。

落車行返去水族館，去到附近見有餐廳，望上去有著燈，門口話營業中，咁就入去食。唔食哩間的話，應該都無其他選擇。餐廳入面同條街一樣，都係無人的。服務員聽見門口的鈴聲響起，出來招呼。餐牌的選擇唔多，我們叫咗味增拉麵，和天婦羅烏冬。天婦羅製成餅形，有菜有魷魚等材料，味道唔錯。(1200円)

落樓，水族館入口就享隔離。付了入場費(1400円 x 2)，入到去。。。

行到去角落，搵到啲荔園咁款的遊戲，好古舊。加上無人，感覺好悽清。遊個圈，無理由得咁少嘢，睇地圖，海洋生物係享室內的。正式開始參觀，哦~~~~ 原來遊客享晒入面，雖然都唔係多人，但好過鬼影都無隻。

睇咗一陣，知道3:30pm有海狗表演睇，就出返去睇完先再繼續。因為遊客實在太少，觀眾計埋我地都係得8個人。。。

表演約15分鐘，就返入去趕趕地睇埋其他海洋生物。水族館的內容唔少，其中值得推介的有好可愛的海獺，和水之妖精。計劃行程的時候，本來打算一係去水族館，一係去風琴館，但見到哩種靚得黎又有點精靈的生物，就決定去水族館。

這種北海道的生物限定展出，所以撞啱展期可以去睇吓。雖然得一格仔，仲要得幾條，但型態好似心狀發光的天使。小蟲實在幾喜歡佢，所以享gift shop到買咗條電話繩。

除了海獺和 水之妖精，仲有吹氣鱷魚。。。

你話哩兩條嘢係真定假？
其實都唔係古怪水族館既(兩條鱷魚除外)，係古老先啱。松島水族館今年剛剛80週年，真係幾耐歷史。雖然係舊，但展品都唔錯。推介度雖然同瑞巌寺一樣，但如果只選其一，小蟲鍾意水族館多點。

推介度：1/2

4:30pm準時關門，行去取車，路過一檔燒烤，好香啊~~ 有兩個人幫襯，唔知有乜選擇的情況之下，就跟人要燒粟米(300円)。亞伯伯一路燒，一路係咁同我地講嘢。但實在無辦法溝通到，極其量只聽到中國人，韓國人，美國等字，加埋佢一啲手勢，相信係想講關於打仗的事。佢係咁講，條粟米就黎燒焦喇~~

小蟲指下條粟米，佢先拎開，不過繼續講，係都唔肯比條粟米我地。。。終於，講多幾句後，先搵膠袋載好條粟米遞比我地。我地亦好心急咁刨呀刨，食完先開車去酒店check-in。

(預告：一個字 ~ 正!)

更多照片