香港
Day 8 Part 1 - 2008.01.27 (日)
仙台 天氣: 
哩個景點其實係當年開發社區的時候，發現了二萬年前森林的遺跡，加以保全和興建成為博物館。入場費(400円/人)。好犀利架，一大遍樹根，仲有人類生活的痕跡。當然，如果無說明就橫睇掂睇都睇唔出啦。
圍欄旁邊，有個掛住張證件的伯伯，看來似義工，負責向遊人介紹。佢向一群日本人介紹完畢，就走來我地到想講解。我地話係香港來的，佢覺得好出奇咁，可能無乜外國遊客來呱。於是就走去拎張英文簡介比我地，等我地自己睇。
行完哩層(地底)，就上一層去睇展館。講下當年的人類，動植物咁，行咗一個鐘左右。去到出口，又見返個伯伯。佢已經換返衫，睇來收工咁樣，不過都不忘叫我地睇下放在出口的兩輯Video。其實所有展品和Video，當中都有個卡通人物叫富沢博士：
當小蟲睇完個Video，忽然覺得那個伯伯同富沢博士有八九成相似。同火柴人講，原來佢早就覺得。咁得意？搵自己個樣做卡通人物？不過都係我地估唶。
推介度：
1/2行完返去仙台，成朝無食過嘢餓到暈咁濟，搵嘢食先。享香港無食過MOS Burger，又成日聽人話好味，既然去到「原產地」，等係試一試。
今期有限定雞包，試下先，仲要了個蝦包，連飲品(1220円)。兩個包的味道唔錯，雖然唔稱得上好好味，但作為快速充飢的一餐，算幾正~
食完就開始小蟲的shopping時間，本來有幾個品牌的東西想買，可惜仙台始終無東京大阪咁大，好多品牌都搵唔到邊到有得賣。隨便亂行，去到間幾大的Mont bell，一行就行咗大半個鐘，跟手行入去個啲一條二條唔記得乜名的購物街，總之有嘢買就係好街，名字已經唔再重要。
0 comments:
Post a Comment
到此一遊，留個字啊～