Sweet East 之旅 ♣ Index
一心諗住去老麥上吓網,搵下去邊好。但wifi弱到不得了,由二樓試到落地下都唔得,只好放棄。看旅遊書知道Century 21就在附近,過去望望有無好野執。樓高幾層(已經唔記得幾層),賣的說是有品牌的貨品,但格局有點笠亂。小蟲搵唔到野買,但火柴人就執咗見Paul Frank Tee,USD11有找。
之後還有整個晚上要熬,為免繼續流離浪蕩,就決定去睇show。其實在South street seaport到過TKTS booth,看過有甚麼特價票,但大部份有興趣的劇目也在broadway,不想兩頭騰又走出times square,便選擇去看其他。
A corner at South street seaport:![](https://lh3.googleusercontent.com/blogger_img_proxy/AEn0k_u_ZoSK2GlKabUMnp-QxL2pepPt3Y5C2Ppci476eSIbI0u4Fdp0iefg7WHPlTmsGWeIu7qF-XoCwq_gSfeRpP16zISBbMC-n-ZwXHy3yva18MWV3XxYLLXq5WOAlfcmK6SsFxWTry7lBMCUyqh1=s0-d)
其實在未出發之前,跟個住過NYC的外籍同事吹水,他提議我去看Blue Man Group。看過評價不錯,又見比較近宜家的地點,就搭車過去Astor Place的劇院即場買票看。
因為是買即日的門票(USD85pp),位置已經排到最尾嗰幾行。但見場地唔大,應該都睇得清楚呱。買好票,就安心到附近揀餐廳食晚飯。食肆不算少,但filter咗亞洲食物,就剩下不多。結果,覺得熱氣還是要吃Soup N' Burger,埋單USD27。
![](https://lh3.googleusercontent.com/blogger_img_proxy/AEn0k_v4yrpnWPJ57DOTtNNYGCLY_zsdDCcrbYnPkSN7WMMablibpSX0qA8Sb2Fdy9rnVfoj3pxO2V-NTvodHZWgw2QGgXXJXHYfrjdUtpF7g2CmICt1Yo5Ra_KgqiMtnVOV78dOqsVWSu6MWi-rH3ud=s0-d)
![](https://lh3.googleusercontent.com/blogger_img_proxy/AEn0k_txK-gHQcWpYN52jG4-_mhXm94JZUx1mv3OlvyLRs6c4JTSx0YVHtT-xjLuOXIgkbBqDFzPtNpe8ByCmekINdO3FkYZg6sxVrHBAdSOMcmsethaJl4Dbhgh4B-JSOStPMZeDeBneXnPNG03tAV6=s0-d)
八點鐘開show,早廿分鐘去到排隊。表現場地頗細,約九成滿。三個搽到自己藍精靈咁嘅表演者,整個show都無開過口,用表情和動作搭夠。有有創意的敲擊樂表演,但更多是和觀眾interactive的遊戲。
![](https://lh3.googleusercontent.com/blogger_img_proxy/AEn0k_seJa83JlU6SM1YM692izeOHZIK2OMAgsK8Sczg5JGLs27Ap4mLNvaoApOS7cuZMXUPhV5i9bvGOxe-sY1GSbbU-l-e9QnTj8xtzaG2s2CUobCHm7bAadR1XGyTsjZxZ5mUlinaZUVUiMInlk3d=s0-d)
![](https://lh3.googleusercontent.com/blogger_img_proxy/AEn0k_vn6F6CH_ZndxeiyH95cK9OhVTVL1zImGf6roWMqcr7PVtg50nARWgfzTJ2INGif8gpzWl3Bks22qv1e6rLSNPSIYwIOhR-yOP4YivLc8Uiqwx2E19Lmp9iCYnp1KB9DtolbFwcu12y0kGKTEs=s0-d)
被邀去玩的觀眾,是否「媒」就很難說;如果係,都只能話係非常高質素的「媒」。全長大概一個小時多啲,熱熱鬧鬧,無乜冷場。我倆覺得都唔錯,幾另類又有啲搞笑。用價錢衡量的話,$85就貴咗啲,$65就合理。![](https://lh3.googleusercontent.com/blogger_img_proxy/AEn0k_uRyl0AWP6ZLqAs4e9-WW_C6k1YtzoUKMg_8V8Bmfoc3e3nqCFyUgs3dvfqkiI85pUISim8dyfBgWtCL7NFkDPSVVNyCD5_cX8=s0-d)
0 comments:
Post a Comment
到此一遊,留個字啊~