21 July 2013

2012阿根廷:Day 16 Buenos Aires - Lima《繽紛過後,進入戒備》





2012 April  匯率: 1 ARS = ~1.7 HKD

DAY 16 - 2012.04.20 (Fri)


Argentina 【 Buenos Aires  Puerto Iguazú > Mendoza > Ushuaia > El Calafate Buenos Aires 】> Peru


在阿根廷兜了一大個圈回到首都,玩多半天,旁晚就會跟蟲老公分道揚鑣:他回香港揾食,小蟲和蟲大姐繼續玩樂。行程相當簡單,去一個地方逛逛食個晏就閃人。雖然毫無新意,但都要說的是,來到布宜諾斯,怎可能錯過色彩繽紛的La Boca區?

不過,La Boca雖然是著名景點,但同樣亦是聲名狼藉的地區;聞說治安差到不得了。我們分別問了住宿主人的提議,之前Tango & Bandoneon民宿主人完全不建議我們前去,而昨晚酒店(下篇寫)則比較中肯,說日間安全,但別走出遊客區的幾條街;晚上,想也不要想。

好吧,我們此等貪生怕死之輩,當然做個普通遊客好了。乘的士前去,跳下的士已經是遊客區,普見餐廳外的探戈舞者正在和遊客拍照,不亦樂乎。街上有些紀念品小檔攤,旁邊有餐廳和更多的紀念品商店。比較有特色的,是建築物本身。五顏六色,看著確實心情開朗。有部份建築物是免費開放給遊人進入,內裡當然就是更加多的紀念品店。有心買東西的,記得格價。

就算不購物,時間也過得挺快。劃滿圖畫的牆身,轉角放上裝飾的人像,通通是取景拍照的好地方。可惜不敢帶大相機出來,就拍些「到此一遊」照算了。午餐嘛,路過不少餐廳努力兜生意,更有探戈舞者和歌者表演,實在很適合遊客。懶有性格的我們,決定離開主街道,找間稍稍靜一點的餐廳。雖然無舞跳,但起碼無咁遊客feel;味道價錢都合理。然後時間夠了,不得不走。

由市區去國際機場(EZE),連公路費ARS 130。蟲老公經杜拜回港的飛機比我們飛利馬的遲一個多小時,我們入閘他才夠鐘check-in。順帶一提,check-in飛利馬之時,職員會要求出示離開秘魯的機票(吓?唔係驚人逾期居留呀嘛。。。),所以機票記得跟身。

雖然秘魯全程有人接應,但離開唔打得都睇得的蟲老公,剩下兩名看似撐雞但實質善良的女子繼續旅程,其實都有少少擔心。不過為了到訪更有特色的地方,唯有自求多福。之於夜媽媽去到利馬發生咩事,秘魯篇繼續(仲有兩篇阿根廷要出)。

跳出酒店,一街都係的士,好方便。
雖然之前睇過有段片,講BA最呃遊客錢嘅就係的士,
但我哋搭過五六次的經驗都無問題(又或者比人呃咗都唔知)。

個遊客擺pose擺得好投入

嚟到哩度,無可能見唔到馬勒當拿嘅嘢。
有人仲買咗件正版小保加polo shirt。

哩個景幾乎係La Boca嘅代表。

沿途頗多餐廳,部份設有室外座位,有歌者和舞者表演。
如果無時間專登去睇探戈舞show,可以補番數。

話得意又得,話得人驚亦得。總之有好多人唔人鬼唔鬼嘅公仔。

但亦有好多靚的牆壁畫~

彩色鐵皮屋,係旅遊書必有的。

歷史猶久的建築,但無損小蟲低能一番嘅興致。

無論鍾意影景或者自戀照,哩度真係好啱。不過,影時影,小心財物。

其實舊建築,仲靚過七彩蝦條鐵皮屋。

行到邊都有人跳舞。

亞白衫哥仔擺晒pose,唔影即係唔比面啫。
享BA,有好多流動咖啡檔,但質素係點,唔難估吧。

好天氣中的籃球場一個,連個球場都型過人。

嚟到國際機場,完結了阿根廷的行程。神經緊張地,進入秘魯部份。


2 comments:

  1. 咁靚咁colourful的地方好難幻想佢係罪惡溫牀。。。。仲要光天化日!!!

    ReplyDelete

到此一遊,留個字啊~

Related Posts Plugin for WordPress, Blogger...