2011希臘初夏 ♣ 型英帥大隻 @ Delfini Villas

不是特別滿意在Reverie的海景之後，來到Delfini終於有個真正的全海景了。



2011希臘初夏 ♣ Index


Day 8: 2011.06.07 (Tue)

去完Santo Wines過來，找這間酒店卻有點不容易。事關駕車的馬路根本睇唔到在懸崖下的酒店，亦沒有路牌說明你找的酒店大概位置。我哋只能一直駛到Oia巴士總站附近（圖(1)）泊低，再落車問人。


先去簡陋的tourist office，職員話好近，一路駛回頭就係；但又講得唔清唔楚。所以決定問附近的一間士多，職員嘗試睇，但睇完都唔知。於是死心不息（天啊，趕住睇日落呀）再向旁邊一間唔知似地產舖定搞旅行團的舖頭，當時有四個亞叔享到吹水。其中一個睇完酒店名之後，就話佢識個酒店老板，仲幫我哋打埋電話約個老板娘去某個路口接我哋。


然後好清楚咁，叫我哋揸返轉頭，去到第N個街口，左邊有間XXX餐廳，享右邊停車等老板娘（圖(2)）。實在太好了～



去到老板娘已經棟咗享到，先off load咗行李比職員托落去酒店。因為馬路無停車位泊 ，所以兵分兩路；老板娘先教蟲大姐去最近的停車場（酒店住客免費），而小蟲和蟲老公就跟她去酒店。


初初off load啲行李，見職員得一個人，我哋三件行李無可能托得晒，所以蟲老公諗住自己孭返個背包。點知職員唔比，二話不說孭起一件，抽兩件咁行咗去。嘩～～～真係「型英帥大隻」到爆。


需知條路唔係近，而且係落山有啲起伏不平。
如果要小蟲抽的話，小蟲情願一腳伸個gip落山算。


見職員大汗疊細汗咁去到我哋間房，啲貼士真係比得心甘命抵。




鏡頭一轉，唔講酒店外型，先講室內。
因為我哋settle down後又趕出去睇日落，室外的照片都係第二朝先影。


睇完日落食完飯，返到酒店發現房內外都點起蠟燭，份外浪漫；
而且宜家先有時間幫間房影吓相，有燭光就更啱啦。



室外露台檯上的洋燭台


睡房的擺設



睡房外在客廳的燭光



客廳餐桌上的蠟燭和乾花。



睇完細節，宏觀係咁嘅。。。


客廳有梳化（床）和小餐檯，及小蟲最愛的那一扇門和兩隻窗通往睡房。如果屋企的房間分隔可以做到咁樣就正啦。



另一邊係廚房和浴室。



睡房就舒服，唔算好特別，都係隻門窗最出色。







最得意係隻門可以開半隻。若然想睇海景但又唔想中門大開，咪開半隻囉。




第二朝起身，邊食早餐（自備）邊影返夠本。廚房的用具都算幾靚。
望住個靚海食早餐，真係好爽～





門口並無Delfini的指示。。。
小蟲相信Delfini有幾個「舖位」，這裡只是其中一個。




我哋的房間向二樓




走廊是公家地方，所以稱唔上自家露台。
不過是日除咗見過地下有客之外，都無見過其他人。所以都ok。




景觀裝潢都好滿意，服務都唔錯。初初見老板娘木口木面，但開口講兩句又唔無野㗎喎。不過我哋實在太太太少時間享用哩間酒店，基本上旁晚入第二朝走，所以都無介紹啲地方或者餐廳比我哋（我哋亦無問）。地點方面，就正如之前講：針無兩頭利。要靚景就要行多兩步啦。價錢方面都係比Reverie貴十蚊。


一提的是，酒店的reception是在老遠的。我哋留低行李享道，老板娘知道我哋中午過後回來取，說若然回來找不到職員就去reception那邊找她。結果我們回到這裡，發覺無人，又行返上山過去reception嗰邊，搵到老板娘又再返去酒店。大熱天時真係行到出晒汗。。。

住宿	Delfini Villas
邊樹訂	酒店網頁
住宿環境和設施	1/2
地點	1/2
服務
住咩房 (幾多晚)	Cave house Triple (1 night)
平均價錢	€180  / night
小蟲評分

（預告：逼人過旺角）


2011希臘初夏 ♣ Index