思前想後

其實整個facebook page好簡單，但都思前想後究竟整定唔整。本來個blog嘅人流唔算多，「多舊魚」整個page都唔見得多幾多人去睇，所以create咗個page大半年都無執過。但考慮到有時實在無時間寫blog，又或者有一張半張相想post，都係facebook方便啲；而且交流更加快捷。加上有一個好重要的原因，就係小蟲唔想再搞個個人facebook。無錯，係好奇怪的做法。因為越嚟越覺得facebook用享個人層面上無。意。思。近年最多都係post啲無關痛癢的事或照片；比較起上嚟，反而個blog仲多嘢睇。

係朋友嘅，根本唔需要靠哩個渠道知道小蟲發生緊乜事。唔熟又或者唔啱channel嘅朋友，可能已經filter咗關於小蟲嘅feed。掉轉睇，小蟲都filter咗嗰啲成日炸板嘅「朋友」。人，只會對自己有興趣嘅事多加留意。如果已經去到揀嘢嚟睇嘅階段，咁為乜仲要個個人facebook account呢？何不反過嚟做，你有興趣嘅先subscribe我，現實中是否朋友都無所謂，最緊要啱傾啱睇。

好啦，發完牢騷，都當然要吸引吓大家去like小蟲個page嘅。騎騎～ 除咗偶然快post（即係唔會出現喺blog嘅quick update）之外，會有旅行相簿（話晒揀啲相梗快過寫遊記嘅）。仲有仲有！！放得出嚟嘅相，都係唔會打格仔嘅。不過睇唔睇到樣，就考你眼力啦。

而且大家放心，page owner係睇唔到subscriber嘅profile或資料㗎（除非set咗public嘅嘢），所以唔洗擔心私隱嘅問題。放心like啦！